TDP spokesperson Pattabhi: 'ఆ నైపుణ్యంతోనే రాష్ట్రాన్ని దోచుకోవాలని సీఎం జగన్​ చూస్తున్నారు'

TDP spokesperson Pattabhi: సీఎం జగన్మోహనరెడ్డిపై తెదేపా జాతీయ అధికార ప్రతినిధి కొమ్మారెడ్డి పట్టాభిరామ్ తీవ్ర స్థాయిలో మండిపడ్డారు. షెల్ కంపెనీలు, సూట్ కేస్ కంపెనీలు పెట్టి మనీలాండరింగ్​తో అర్జించిన నైపుణ్యంతోనే రాష్ట్ర ప్రభుత్వం తరపున కూడా సూట్ కేస్, షెల్ కంపెనీలు పెట్టి వాటి ద్వారా డబ్బులు కొల్లగొట్టేందుకు ప్రయత్నిస్తున్నారని విమర్శించారు.

TDP spokesperson Pattabhi: సీఎం జగన్మోహనరెడ్డి ఆర్థిక అవకతవకల పరంపర నానాటికీ వేగంగా ముందుకెళ్తోందని తెదేపా జాతీయ అధికార ప్రతినిధి కొమ్మారెడ్డి పట్టాభిరామ్​ ఆరోపించారు. షెల్ కంపెనీలు, సూట్ కేస్ కంపెనీలు పెట్టి మనీలాండరింగ్​తో అర్జించిన నైపుణ్యంతోనే రాష్ట్ర ప్రభుత్వం తరపున కూడా సూట్ కేస్, షెల్ కంపెనీలు పెట్టి వాటి ద్వారా డబ్బులు కొల్లగొట్టేందుకు ప్రయత్నిస్తున్నారని విమర్శించారు. ఆర్థిక నేరాల్లో పీహెచ్​డీ చేసిన వ్యక్తి రాష్ట్ర ముఖ్యమంత్రిగా ఉండటం ప్రజల దౌర్భాగ్యమని మండిపడ్డారు.

ఏపీ స్టేట్ ఫైనాన్షియల్​ సర్వీసెస్​ కార్పొరేషన్ ఏర్పాటు చేసి గవర్నర్​తో పాటు మరికొంతమంది ఐఏఏస్​లను షేర్​ హోల్డర్లుగా పెట్టారని ఆగ్రహం వ్యక్తం చేశారు. ప్రభుత్వంలోని అన్నిశాఖలు, కార్పొరేషన్లు, విశ్వవిద్యాలయాలు, సొసైటీల సొమ్ముని ఏపీ స్టేట్ పైనాన్షియల్ సర్వీసెస్ కార్పొరేషన్​లో డిపాజిట్ చేయాలని జీవో 1998 ఇచ్చారని అన్నారు. దాన్నిసమర్ధించుకోవటంకోసం పబ్లిక్ సెక్టార్ బ్యాంకుల్లో ఉన్న స్టేట్ వేర్ హౌసింగ్ కార్పొరేషన్​ సొమ్ము రూ. 9.60 కోట్లు, ఏపీ ఆయిల్​ కోఆపరేటివ్ ఫెడరేషన్​ డబ్బు రూ. 5 కోట్లు దోపిడీకి గురయ్యాయని ఆరోపించారు. బ్యాంకుల్లో ఉన్నడబ్బుకి భద్రతలేదంటూ జీవో 1998 విడుదల చేశారన్నారు.

ఇదీ చదవండి:Viveka murder case: వివేకా హత్య కేసులో.. సీఎం జగన్​ను విచారించాలి: పట్టాభి