somireddy tweet on cm jagan: జగన్ రెడ్డి రివర్స్ నొక్కుళ్లు అంటూ.. తెదేపా నేత, మాజీ మంత్రి సోమిరెడ్డి చంద్రమోహన్ రెడ్డి ట్విట్టర్లో సెటైర్లు వేశారు. మన ముఖ్యమంత్రి జగన్ రెడ్డికి నొక్కడం బాగా అలవాటైపోయిందని సోమిరెడ్డి విమర్శించారు. 'ఇప్పటివరకు ఓటు రాజకీయం కోసం సంక్షేమ పథకాల పేరుతో బటన్లు నొక్కుతూ వచ్చారు. ఇప్పుడేమో ప్రభుత్వాన్ని దివాళ స్థితికి తీసుకొచ్చి దిక్కుతోచక రివర్స్ నొక్కుళ్లకు దిగారు' అని సోమిరెడ్డి ఎద్దేవా చేశారు. ఈ క్రమంలోనే ఏకంగా ఉద్యోగుల పీఎఫ్ డబ్బులు రూ. 800 కోట్లను గుట్టుచప్పుడు కాకుండా లాగేశారని మండిపడ్డారు. మొన్నేమో.. పంచాయతీలకు వచ్చిన ఆర్థిక సంఘం నిధులనూ రివర్స్ బటన్తో ఊడ్చేశారని ధ్వజమెత్తారు. ఈ రివర్స్ రెడ్డి రివర్స్ పాలనలో.. ఇలాంటి సిత్రాలు ఇంకా ఎన్ని చూడాలో అంటూ.. ట్వీట్టర్లో పోస్టు చేశారు.
జగన్ రెడ్డికి నొక్కడం బాగా అలవాటైపోయింది: సోమిరెడ్డి
మన ముఖ్యమంత్రి జగన్ రెడ్డికి నొక్కడం బాగా అలవాటైపోయిందని తెదేపా నేత సోమిరెడ్డి విమర్శించారు. ఈ రివర్స్ రెడ్డి రివర్స్ పాలనలో.. ఇలాంటి సిత్రాలు ఇంకెన్ని చూడాలో అని ఎద్దేవా చేశారు. జగన్ రెడ్డి రివర్స్ నొక్కుళ్లు అంటూ ట్విట్టర్లో సోమిరెడ్డి సెటైర్లు వేశారు.
tdp somireddy tweet on cm jagan