వైకాపా పాలనలో రైతులకు జరుగుతున్న అన్యాయాన్ని ప్రజల్లో ఎండగట్టేందుకు ఈ నెల 13 నుంచి 17వ తేదీ వరకు రాష్ట్రవ్యాప్తంగా నిరసనలు చేపట్టనున్నట్లు తెదేపా రాష్ట్ర అధ్యక్షుడు అచ్చెన్నాయుడు తెలిపారు. ఆ పార్టీ పార్లమెంటరీ, నియోజకవర్గాల ఇంఛార్జ్లతో శనివారం ఆయన టెలీకాన్ఫరెన్స్ నిర్వహించారు. రాష్ట్రాన్ని 5 జోన్లుగా విభజించి రోజుకో జోన్లోని 35 అసెంబ్లీ నియోజకవర్గాల ప్రతినిధులు నిరసన తెలిపేలా కార్యాచరణ రూపొందించారు.
| తేదీ | నిరసనలు జరిగే నియోజకవర్గాలు |
| 13/09/2021 | అరకు, శ్రీకాకుళం, విజయనగరం, విశాఖపట్నం, అనకాపల్లి |
| 14/09/2021 | నంద్యాల, కర్నూలు, అనంతపురం, హిందూపురం, కడప |
| 15/09/2021 | కాకినాడ, అమలాపురం, రాజమండ్రి, నరసాపురం, ఏలూరు |
| 16/09/2021 | ఒంగోలు, నెల్లూరు, తిరుపతి, రాజంపేట, చిత్తూరు |
| 17/09/2021 | మచిలీపట్నం, విజయవాడ, గుంటూరు, నర్సరావుపేట, బాపట్ల |