ఉద్యోగులకు వర్క్ ఫ్రమ్ హోమ్​పై సీఎం జగన్ నిర్లక్ష్యం వహిస్తున్నారు: అశోక్​బాబు

సచివాలయ ఉద్యోగుల ప్రాణాలకు రక్షణ కరవైందని.. తెదేపా ఎమ్మెల్సీ అశోక్​బాబు అన్నారు. సీఎం, మంత్రులు ఇంట్లో ఉంటూ.. ఉద్యోగులకు కనీసం వర్క్ ఫ్రమ్ హోమ్​ అవకాశం కల్పించడంలో నిర్లక్ష్యం వహించారని విమర్శించారు.

సీఎం, మంత్రులు ఇంట్లో ఉంటూ.. ఉద్యోగులు కార్యాలయానికి రావాలనడం కక్షసాధింపు కాదా అని తెదేపా ఎమ్మెల్సీ అశోక్​బాబు ప్రశ్నించారు. సచివాలయ ఉద్యోగుల ప్రాణాలకు రక్షణ లేదని ఆవేదన వ్యక్తం చేశారు. వర్క్ ఫ్రమ్ హోమ్​పై సీఎం జగన్ నిర్లక్ష్యం వహించడం వల్ల.. ఇప్పటి వరకు దాదాపు 10 మంది ఉద్యోగులు మృతి చెందారని ఆరోపించారు. సచివాయల ఉద్యోగి పరమేష్.. కరోనాతో పోరాడుతూ మరణించడం బాధాకరమన్నారు.

ఇదీ చదవండి:'స్వీయ జాగ్రత్తలు పాటిస్తే మూడో దశ ముప్పు తక్కువే'

తాడేపల్లి ప్యాలెస్ నుంచి సీఎం కాలు బయటపెట్టి ఎన్ని నెలలు అవుతోందో చెప్పాలని అశోక్​బాబు నిలదీశారు. ఆరోగ్య శాఖ మంత్రి ఎన్ని ఆస్పత్రులను సందర్శించారో తెలపాలన్నారు. మరణించిన ఉద్యోగుల కుటుంబాలకు రూ.కోటి పరిహారం అందించాలని డిమాండ్‌ చేశారు.

ఇదీ చదవండి: