'వైకాపా ప్రభుత్వం సంక్షేమం పేరుతో బీసీలను మోసం చేస్తోంది'

వైకాపా ప్రభుత్వం సంక్షేమం పేరుతో ప్రజలను మోసం చేస్తోందని తెదేపా నేత అనగాని సత్యప్రసాద్ విమర్శించారు. బీసీల కోసం కేటాయించిన నిధుల్ని నవరత్నాల కోసం మళ్లించారని ఆరోపించారు. బీసీలకు ఏం చేశారనే దానిపై బహిరంగ చర్చకు వచ్చే ధైర్యం ఉందా అని ప్రశ్నించారు.

వైకాపా ప్రభుత్వం అమలు చేస్తున్న 'బీసీల కోసం జగనన్న మోసం' కార్యక్రమం పనితీరు బాగుందని తెదేపా ఎమ్మెల్యే అనగాని సత్యప్రసాద్ ఎద్దేవా చేశారు. 16 నెలల వైకాపా పాలనలో బీసీలను మోసం చేయడం తప్ప మరేం చేశారో ఆ పార్టీ నేతలు చెప్పాలని సవాల్‌ విసిరారు. వైకాపా ప్రభుత్వం వెనుకబడిన కులాల వెన్నెముక విరుస్తోందని ధ్వజమెత్తారు.

బీసీలకు ప్రభుత్వం ఏం చేసిందనే దానిపై బహిరంగ చర్చకు వచ్చే ధైర్యం ఉందా అని ప్రశ్నించారు. బీసీల సంక్షేమానికి 2020-21 బడ్జెట్‌లో కాంపోనెంట్‌ ద్వారా రూ. 25,331.30 కోట్లు కేటాయిస్తున్నట్లు ప్రకటించి.. ఆ సొమ్ములో దాదాపు 95 శాతం నిధుల్ని నవరత్నాల కోసం మళ్లించారని దుయ్యబట్టారు. ఇప్పటికైనా సంక్షేమం పేరుతో చేస్తున్న మోసాన్ని, మోసపూరిత ప్రకటనలను మానుకోవాలని అనగాని హితవు పలికారు.

ఇవీ చదవండి..