ప్రత్యేక హోదాపై నోరు విప్పని వైకాపాకు.. తిరుపతి ఉప ఎన్నికలో ఓటు అడిగే హక్కు లేదని తెదేపా అధికార ప్రతినిధి పిల్లి మాణిక్యాలరావు విమర్శించారు. 25 మంది ఎంపీలను గెలిపిస్తే కేంద్రం మెడలు వంచి ప్రత్యేక హోదా తీసుకువస్తానని హామీ ఇచ్చి.. సీఎం జగన్ మోసం చేశారని ఆరోపించారు. ఇప్పుడు ఏ ముఖం పెట్టుకుని తిరుపతిలో ఓట్లు అడుగుతారని ప్రశ్నించారు.
కేసుల నుంచి తనను తాను రక్షించుకునేందుకు సీఎం జగన్ ప్రయత్నిస్తున్నారన్నారు. కేంద్రాన్ని ప్రత్యేక హోదా అడగాలంటే అందుకే భయపడుతున్నారని ఆరోపించారు. సీఎం వైఖరి మారకుంటే రాష్ట్ర భవిష్యత్తు తీవ్రంగా నష్టపోతుందని చెప్పారు. కేంద్రంపై ఒత్తిడి తేవడంలో ఎందుకు విఫలమయ్యారో.. ప్రజలకు సమాధానం చెప్పాలని అధికారపార్టీ ఎంపీలను డిమాండ్ చేశారు.