ఘనంగా ఎస్వీ రంగారావు 101వ జయంతి వేడుకలు

ప్రముఖ నటుడు ఎస్వీ రంగారావు 101వ జయంతి సందర్భంగా ఆయన విగ్రహానికి పలువురు ప్రముఖులు పూలమాలలు వేసి నివాళులు అర్పించారు. ఎలాంటి బిరుదులు లేకున్నా...ఎక్కువ ప్రజాదరణను సొంతం చేసుకున్న వ్యక్తి ఎస్వీ రంగారావు అని అభిమానులు కొనియాడారు.

విశ్వనట చక్రవర్తి ఎస్వీ రంగారావు 101వ జయంతి సందర్భంగా విజయవాడ తుమ్మలపల్లి క్షేత్రయ్య కళాక్షేత్రంలో ఆయన విగ్రహానికి నగరంలోని ప్రముఖులు పూలమాలలు వేసి నివాళులర్పించారు. రంగారావు అభిమాని హరగోపాల్ మాట్లాడుతూ.. తెలుగు చలన చిత్ర సీమలో ఎస్వీ రంగారావు నటనలో తనకంటూ ఒక ప్రత్యేకమైన శైలితో ఏర్పరుచుకుని.. కోట్లాదిమంది అభిమానులను మంత్రముగ్ధులను చేశారని అన్నారు. పద్మశ్రీ, పద్మభూషణ్ వంటి బిరుదులు లేకపోయినా కోట్లాది మంది అభిమానుల మనసులో విశ్వనట చక్రవర్తిగా ఎస్వీ రంగారావు నిలిచిపోయారన్నారు.

ఇవి చూడండి: ఆర్మీ వాహనాలపై ఎంపీల ఆసక్తి..