శంషాబాద్ విమానాశ్రయంలో బంగారం పట్టివేత

హైదరాబాద్​లోని శంషాబాద్ అంతర్జాతీయ విమానాశ్రయంలో 2.6 కిలోల బంగారు బిస్కెట్లను అధికారులు పట్టుకన్నారు. వీటి విలువ సుమారు రూ.1.28 కోట్లు ఉంటుందని తెలిపారు.

అక్రమ బంగారం సరఫరాకు శంషాబాద్ విమానాశ్రయం అడ్డాగా మారుతోంది. రోజురోజుకూ పెరుగుతున్న బంగారం అక్రమ రవాణా అధికారులను సైతం షాక్​కు గురిచేస్తోంది. తాజాగా శుక్రవారం దొంగచాటుగా హైదరాబాద్​కు తీసుకు వస్తున్న బంగారాన్ని శంషాబాద్ ఎయిర్​పోర్ట్ అధికారులు పట్టుకున్నారు. బిస్కెట్లు రూపంలో బంగారు ఉన్నట్లు గుర్తించారు.

ఆ బంగారం స్వాధీనం చేసుకుని తూకం వేయగా.. 2.6 కిలోలు బంగారు బిస్కెట్లు ఉన్నట్లు తేల్చారు. దాని విలువ దాదాపు రూ.1.28 కోట్లు ఉంటుందని విమానాశ్రయం కస్టమ్స్ ఉపకమిషనర్ శివకృష్ణ తెలిపారు. ఆ మేరకు కేసు నమోదు చేసి దర్యాప్తు చేస్తున్నట్లు వివరించారు.

ఇదీ చదవండి: