సీఏఏ, ఎన్నార్సీ, ఎన్పీఆర్లను వ్యతిరేకిస్తూ వామపక్ష, రాజకీయ పార్టీల ఆధ్వర్యంలో విజయవాడలో రౌండ్టేబుల్ సమావేశం నిర్వహించారు. సీపీఐ రాష్ట్ర కార్యదర్శి రామకృష్ణ, ఏపీసీసీ వర్కింగ్ ప్రెసిడెంట్ తులసిరెడ్డి ఈ సమావేశంలో పాల్గొన్నారు. దేశంలో, రాష్ట్రంలో ఎన్నార్సీ, సీఏఏ, ఎన్పీఆర్లను తీవ్రంగా వ్యతిరేకిస్తూ ఉద్యమం చేస్తున్న అంశంపై చర్చించారు. కొన్ని రాష్ట్రాల్లో ఎన్నార్సీని అమలు చేయబోమని తీర్మానం చేసిన విషయాన్ని సీపీఐ రామకృష్ణ గుర్తుచేశారు.
రాష్ట్రానికి చెందిన 3 పార్టీలు ఎన్నార్సీకి మద్దతిచ్చాయని రామకృష్ణ విమర్శించారు. భాజపా అధికారంలో ఉన్న రాష్ట్రంలోనూ ప్రతిపక్ష పార్టీలు ఎన్నార్సీని వ్యతిరేకించాయని పేర్కొన్నారు. రాష్ట్రంలో అధికార, ప్రతిపక్ష పార్టీలు ఈ బిల్లులకు మద్దతు తెలిపాయని సమావేశంలో పాల్గొన్న నేతలు పేర్కొన్నారు. రాష్ట్రంలో ఒక్క ఎమ్మెల్యే, ఎంపీ కూడా లేని భాజపా చాలా బలంగా ఉందని ఎద్దేవా చేశారు. రాబోయే అసెంబ్లీ సమావేశాల్లో ఎన్నార్సీని వ్యతిరేకిస్తూ తీర్మానం చేయాలని డిమాండ్ చేశారు.