ROBOT: కష్టాలు తీరుస్తున్న సరికొత్త రోబో.. సెన్సార్ల వినియోగంతో రూపకల్పన

అందరిలానే ఓసారి దగ్గర్లోని వృద్ధాశ్రమానికి(old age home) వెళ్లారు విజయవాడకు చెందిన ఆ కుర్రాళ్లు. నాలుగడులు వేసేందుకే ఆపసోపాలు పడుతున్న వృద్ధులు(senior citizens) మంచినీళ్లు, ఆహారం కోసం పదేపదే అటూ ఇటూ తిరగాల్సి రావడం వాళ్లను ఆలోచనలో పడేసింది. అదే విషయమై పరిష్కారం కనుక్కోండి అంటూ కాలేజీ యాజమాన్యమూ(college management) ప్రోత్సహించింది. 4 నెలలు కష్టపడి ఓ పరిష్కారం చూపించారు. వృద్ధుల మంచాల దగ్గరకే కావాల్సినవి అందించే ఓ రోబో(robot)ను తయారు చేసి వృద్ధులకు తోడుగా నిలిచారు.

విజ్ఞానం(knowledge) సంపాదించడం అంటే పుస్తకాల్లో ఉన్న విషయాల్ని బట్టీ పట్టడం కాదు. అందులోని అంశాలు, పరిజ్ఞానం వినియోగించుకుని సమాజానికి కావాల్సిన ఆవిష్కరణలు చేయడం. మన చదువుతో నలుగురికి అండగా నిలవడం అంటున్నారు విజయవాడకు(vijayawada) చెందిన ఈ కుర్రాళ్లు.. అనడమే కాదు, తమ మేధస్సుతో వృద్ధుల కోసం సరికొత్త ఆవిష్కరణ(invent) చేసి ప్రశంసలు అందుకుంటున్నారు. విజయవాడ పీవీ సిద్ధార్థ ఇంజనీరింగ్ కాలేజీ.. ఏటా వివిధ కార్యక్రమాలు నిర్వహిస్తుంటుంది. అందులో భాగంగా ఓ వృద్ధాశ్రమాన్ని సందర్శించారు. అక్కడి వృద్ధులు ఆహారం, నీళ్లు వంటి అవసరాలకు అటూఇటూ తిరగడానికి ఇబ్బంది పడుతున్నారు. అది చూసిన అధ్యాపకులు.. వారి సమస్యకు పరిష్కారం చూపగలరా అని విద్యార్థులకు సవాల్ విసిరారు. దాన్ని స్వీకరించిన క్రాంతి కుమార్‌, సాయి మోహన్‌, కోటేశ్వర రావు అనే ఈ యువకులు... ప్రత్యేక రోబో(robot) తయారు చేసి పరిష్కారం చూపారు.

ముందుగానే ప్రోగ్రామింగ్...

మొదటగా ప్రోటో టైప్‌(proto type)లో తమ ఆలోచన పంచుకోగా అది కళాశాల యాజమాన్యానికి నచ్చింది. ఆ ప్రాజెక్టు(project) ఖర్చులు మొత్తం తామే భరిస్తామంటూ ముందుకు వచ్చింది. దాంతో రంగంలోకి దిగిన ఈ యువ బృందం... వివిధ ఆంశాలను పరిగణలోకి తీసుకుని ఈ రోబోను తయారు చేశారు. దాదాపు 4 నెలల పాటు శ్రమించి దీనికి రూపకల్పన చేశారు. వృద్ధులు ఎక్కువదూరం నడవకుండా.. వాళ్లకు కావాల్సిన ఆహారం, మంచినీళ్లు వాళ్ల వద్దకే చేర్చాలి. అందుకు ఎంబెడెడ్‌ సిస్టమ్‌ సాంకేతికత(embed system technology) వినియోగించారు. ఈ సెన్సార్లు(sensor) నలుపు రంగును గుర్తిస్తాయి. ఆ థియరీ ఆధారంగా ఆశ్రమంలో ఉన్న మంచాల వరుసల మధ్య నలుపు రంగు టేపు అంటించి సెన్సార్లు ఉన్న రోబోను అటువైపు ప్రయాణించేలా చేస్తున్నారు.

వృద్ధులకు అండగా...

ఈ రోబో ద్వారా దాదాపు 40 కిలోలకు పైగా బరువులు మోసుకెళ్లవచ్చు. అంతేకాదు ఎక్కడ మంచం ఉంది. దాని దగ్గర ఎంతసేపు ఆగాలి. అక్కడినుంచి తదుపరి ఎక్కడికి కదలాలి అనే విషయాల్నీ ముందే ప్రోగ్రామ్‌(programming) చేశారు. దాంతో ఈ రోబో వృద్ధులకు కావాల్సిన వాటిని వారి దరికే చేరుస్తుంది. ఆశ్రమంలో పనిచేసే వారు రాని సమయాల్లోనూ వాళ్లకు తోడుగా నిలుస్తోంది. తరగతి గదుల్లో వివిధ సాంకేతికతల గురించి చదువుకోవడానికి, వాటిని రియల్‌ టైమ్‌ ప్రాజెక్ట్‌లప్పుడు(real time project) ఆచరణలో పె‌ట్టడానికి చాలా వ్యత్యాసం ఉందంటున్నారు ఈ విద్యార్థులు. ఇలాంటి ఆవిష్కరణల వల్ల రానున్న రోజుల్లో ఎంతో మేలు జరుగుతుందంటున్నారు. ఉద్యోగాల్లోనూ రాణించేందుకు ఉపయోగ పడుతుందని చెబుతున్నారు. అలాగే వృద్ధుల కష్టాలకూ ఓ పరిష్కారం కనుక్కోవడం పట్ల ఆనందంగా ఉందంటున్నారు.

నూతన ఆవిష్కరణలకు సహకారం...

కళాశాలలో ఉన్న ఇన్నోవేషన్ అండ్ ప్లేస్​మెంట్ సెల్(innovation and placement sell) ద్వారా విద్యార్ధుల నూతన ఆవిష్కరణలకు సహకారం అందిస్తున్నమంటున్నారు అధ్యాపకులు. సమాజానికి ఉపయోగపడే విధంగా ఉండే ప్రాజెక్ట్‌లు తమ కళాశాల విద్యార్థులు తయారు చేయడంపై సంతోషం వ్యక్తం చేస్తున్నారు.

ఇవీచదవండి.