ఈ జైల్లో ఎవరైనా తినొచ్చు..!
నీతో చిప్ప కూడు తినిపిస్తారా...’ అని సినిమాలో హీరో విలన్‌తో అనడం చూస్తుంటాం. కానీ అదే జైల్లో అన్నం తినేందుకు చాలా మంది క్యూ కడుతున్నారు. ఇదేం విచిత్రం అనుకోకండి. ఎందుకంటే అదో జైల్‌థీమ్డ్‌ రెస్టారెంట్.
restaruant in jail
జైలు ఎంట్రన్స్‌లాగే ఇక్కడా ఉంటుంది. లోపలికి వెళ్లగానే కటకటాలతో కొన్ని గదులు కనిపిస్తాయి. పోలీసుల్లా కనిపించే వాళ్లు వచ్చి ఆ గదిలోకి మనల్ని తీసుకెళ్లి డైనింగ్‌ టేబుల్‌ దగ్గర కూర్చోబెడతారు. తర్వాత మనం చెప్పిన మెనూ నోట్‌ చేసుకుంటారు. ఇక ఖైదీ డ్రెస్సులో ఉండే సర్వర్లు మనకు వడ్డిస్తారు. మొత్తంగా ఖైదీ కిచెన్‌గా పిలిచే ఈ తరహా రెస్టారెంట్‌కి వెళితే... అచ్చం జైల్లో అన్నం తిన్న అనుభూతి కలుగుతుంది. ఈ థీమ్‌ రెస్టారెంట్లు హైదరాబాద్‌తో సహా చెన్నై, దిల్లీ, బెంగళూరు వంటి నగరాల్లో ఉన్నాయి.