ప్రేమోన్మాదానికి విజయవాడలో ఓ యువతి బలైంది. క్రీస్తురాజపురంలో ఓ యువతి తనను ప్రేమించటం లేదంటూ కత్తితో దాడి చేసి చంపేశాడు ఓ యువకుడు. ఈ ఘటన విజయవాడ నగరంలో కలకలం రేపింది. ఇంతటి దారుణానికి ఒడిగట్టిన ఉన్మాదికి మరణదండన విధించాలని ఆమె కుటుంబసభ్యులు, బంధువులు కన్నీటితో వేడుకుంటున్నారు.
చిన్నపిల్లలను కత్తితో పొడిచి చంపేశాడు. అలాంటోడిని బతకనివ్వకండి. వాడు మరోసారి ఇలాంటి పనులు చేయకూడదు. ఒక్కగానొక్క కూతురిని చంపేశాడు. వాడిని చంపేయండి - మృతురాలి బంధువు
మృతురాలి బంధువు ఆవేదన
మరోవైపు ఈ ఘటనను మహిళా సంఘాలు ఖండించాయి. నిందితులను కఠినంగా శిక్షిస్తేనే ఇలాంటివి పునరావృతం కావని మహిళా సమాఖ్య రాష్ట్ర అధ్యక్షురాలు దుర్గాభవాని అభిప్రాయపడ్డారు. ప్రేమపేరుతో దారుణాలకు పాల్పడితే కఠినంగా శిక్షించాలని ప్రభుత్వాన్ని కోరారు. నేరాలకు తగిన శిక్ష పడితేనే ఆడపిల్లలకు న్యాయం జరుగుతుందని స్పష్టం చేశారు.