రాష్ట్రవ్యాప్తంగా కరోనా వ్యాక్సిన్ కోసం పేర్ల నమోదుకు ప్రభుత్వం అవకాశం కల్పించింది. 965 ప్రభుత్వ, 565 ఆరోగ్యశ్రీ నెట్‌వర్క్ ఆస్పత్రుల్లో పేర్లు నమోదు చేసుకోవచ్చని వైద్యారోగ్య శాఖ వెల్లడించింది. ఆస్పత్రుల జాబితా cowin.gov.in వెబ్‌సైట్‌లో పొందుపరిచామని తెలిపింది. వ్యాక్సినేషన్ కోసం ఆన్‌లైన్‌లోనే పేర్ల నమోదు చేసుకోవాలని..పేర్లు నమోదు చేసుకోకుండా కేంద్రానికి వెళ్తే టీకా వేయరని స్పష్టం చేసింది.
45 నుంచి 59 ఏళ్లలోపు దీర్ఘకాలిక వ్యాధిగ్రస్తులు డాక్టర్ సంతకం చేసిన ధ్రువపత్రాన్ని సమర్పించాలని సూచించింది. 60 ఏళ్లు దాటిన వారూ తమ పేర్లను నమోదు చేసుకోవచ్చని తెలిపింది. లబ్ధిదారులు ఫోటో గుర్తింపు కార్డులను కొవిన్ పోర్టల్ లేదా యాప్లో అప్లోడ్ చేయాల్సి ఉంటుందన్నారు. హెల్త్ కేర్, ఫ్రంట్ లైన్ వర్కర్లకు వ్యాక్సినేషన్ కొనసాగుతోందని...వీరు ఏ వ్యాక్సినేషన్ సెంటర్కైనా వెళ్లి టీకా వేసుకోవచ్చన్నారు.