రక్తదాతలు దైవంతో సమానం: గవర్నర్ బిశ్వభూషణ్

ఇండియన్‌ రెడ్‌క్రాస్‌ సొసైటీ స్వర్ణోత్సవాల్లో భాగంగా... రాష్ట్ర సొసైటీ ఆధ్వర్యంలో విజయవాడలో రక్తదాతల నమోదు కార్యక్రమం నిర్వహించారు. ఈ కార్యక్రమానికి గవర్నర్ బిశ్వభూషణ్ హరిచందన్ హాజరయ్యారు. తొలిసారిగా స్వచ్ఛంద రక్త దాతలుగా అత్యధిక మంది పేర్లు నమోదు అయ్యాయి. దీన్ని గిన్నీస్ బుక్​ ఆఫ్ రికార్డ్స్​లో నమోదు చేశారు.

సమయానికి రక్తం దొరక్క ఏ ఒక్కరూ ప్రాణాలు కోల్పోరాదని గవర్నర్ బిశ్వభూషణ్ హరిచందన్ ఆకాంక్షించారు. రక్తదాతలను ప్రపంచం దైవంగా కీర్తిస్తుందని పేర్కొన్నారు. ప్రాణాపాయంలో ఉన్నవారిని ఆదుకునేందుకు యువత ముందుకు రావాలని పిలుపునిచ్చారు. ఇండియన్ రెడ్​క్రాస్ సొసైటీ స్వర్ణోత్సవాల్లో భాగంగా... రాష్ట్ర సొసైటీ ఆధ్వర్యంలో ఏర్పాటు చేసిన రక్తదాతల నమోదు కార్యక్రమంలో గవర్నర్ పాల్గొన్నారు. 8 గంటల్లో స్వచ్ఛందంగా రక్తదానం చేసేందుకు ముందుకొచ్చే వారి పేర్లు, వివరాలను నమోదు చేశారు. ఇప్పటివరకూ ఈ తరహా ప్రయత్నం ఎక్కడా జరగలేదు. దీన్ని గిన్నీస్ రికార్డుగా నమోదు చేశారు.

ఇవీ చూడండి-ఆనంద్ స్వామి.. ఓ దొంగ బాబా