అంబులెన్స్​ల నిలిపివేతతో... ఏపీ, తెలంగాణ సరిహద్దు వద్ద ఉద్రిక్తత

తెలంగాణ సరిహద్దుల్లో రాష్ట్ర నుంచి వెళ్తున్న అంబులెన్స్​లను నిలిపివేయడం.. ఉద్రిక్తతలకు దారితీసింది. ఈ తరహా ఘటనలపై ఇటీవల ఆ రాష్ట్ర హైకోర్టు ఆదేశాలు ఇచ్చినా.. పోలీసులు వాటిని ఖాతరు చేయడం లేదు. కనీసం మానవత్వాన్ని మరచి.. ప్రాణాపాయంలో ఉన్న రోగుల పట్ల వారు వ్యవహరిస్తున్న తీరుపై సర్వత్రా విమర్శలు వెల్లువెత్తుతున్నాయి.

రాష్ట్రం నుంచి కొవిడ్‌ రోగులను తెలంగాణకు తీసుకెళ్తున్న అంబులెన్స్‌లను.. ఆ రాష్ట్ర పోలీసులు మరోసారి అడ్డుకోవడంతో బాధితుల బంధువులు ఆందోళన చెందుతున్నారు. అంబులెన్స్​ల నిలిపివేతతో ఉద్రికత పరిస్థితులు నెలకొన్నాయి. సూర్యాపేట జిల్లా కోదాడ మండలం రామాపురం క్రాస్​రోడ్ చెక్​పోస్ట్ వద్ద అనుమతి పత్రాలు లేని అంబులెన్స్‌లను నిలిపివేశారు.

ఇదీ చదవండి:గోవా ఆసుపత్రిలో ఆక్సిజన్​ అందక 76మంది మృతి

ప్రభుత్వ విప్‌ ఉదయభాను, తెదేపా నాయకులు నెట్టెం రఘురాం అక్కడికి చేరుకుని పోలీసులతో మాట్లాడారు. ఈ-పాస్​లు ఉంటేనే తెలంగాణలోకి వాహనాలను అనుమతిస్తామని వారు తేల్చిచెప్పారు. అనుమతులు లేని వాహనాలను తిప్పి పంపించేస్తున్నామన్నారు. ఈ ఆంక్షలతో ఏమి చేయాలో పాలుపోవడం లేదని.. రోగుల బంధువులు ఆవేదన వ్యక్తం చేస్తున్నారు.

ఇదీ చదవండి: