చిలుకూరు బాలాజీ ఆలయంలో తాబేలు.. దేనికి సంకేతం?

తెలంగాణలోని చిలుకూరు బాలాజీ స్వామి ఆలయ ప్రాంగణంలో ఉన్న శివాలయంలో ఈ రోజు ఒక తాబేలు దర్శనమిచ్చింది. దాదాపు 10 సెంటీమీటర్ల పొడవు, 6 సెంటీమీటర్ల పొడవుతో ఆ తాబేలు ఉందని ఆలయ అర్చకుడు తెలిపారు.

తెలంగాణలోని రంగారెడ్డి జిల్లా మొయినాబాద్ మండలం చిలుకూరు బాలాజీ స్వామి ఆలయంలో అద్భుతం జరిగింది. అక్కడే ఉన్న శివాలయంలో ఒక తాబేలు కనిపించింది. అది ప్రవేశించడానికి దారి లేకపోయినప్పటికీ... ఉదయం తలుపులు తీసేసరికి కనిపించింది. దాదాపు పది సెంటీమీటర్ల పొడవు, ఆరు సెంటీమీటర్ల వెడల్పు ఉన్న ఈ తాబేలు ఆలయంలో దర్శనమివ్వడం చూస్తుంటే... కరోనా మహమ్మారి దేశాన్ని వదిలిపోతుందనడానికి శుభసూచకంగా దేవుడే ప్రత్యక్షమే ఉంటాడని ఆలయ అర్చకుడు సురేష్ ఆత్మారాం తెలిపారు.

భక్తులు చేసేటటువంటి ప్రార్థనలు, వైద్యులు చేస్తున్న ప్రయత్నాలకు మంచి ఫలితం లభిస్తుందని చెప్పడానికే స్వామి వారు కూర్మావతారంలో వచ్చాడని అన్నారు.

ఇవీ చూడండి:'అత్యాశే శాపం.. పెరుగుతున్న ఆన్​లైన్​ గేమింగ్​ మోసం'