ఎస్ఈసీ తొలగింపుపై ఆగ్రహం వ్యక్తం చేస్తున్న నిమ్మలరామానాయుడు
ఎన్నికల కమిషనర్ రమేష్ కుమార్ను బాధ్యతల నుంచి తొలగించటంపై తెదేపా ఎల్పీ ఉపనేత నిమ్మల రామానాయుడు ఆగ్రహం వ్యక్తం చేశారు. సీఎం జగన్... కరోనాను అరికట్టేందు ఏం చేయాలో నిర్ణయించకుండా... ప్రభుత్వానికి వ్యతిరేకంగా వ్యవహరించినవారిపై కక్షసాధింపు చర్యలు చేయటం దురదృష్టకరమన్నారు. ఎన్నికల కమిషనర్ను అప్రజాస్వామికంగా తొలగించారని ఆగ్రహించారు. ఈ నిర్ణయంతో రాజ్యాంగానికి తూట్లు పొడిచారని తీవ్ర వ్యాఖ్యలు చేశారు.