నేటి నుంచి దుర్గమ్మకు ఏడు వారాల నగలు అలంకరణ

ఇంద్రకీలాద్రిపై కొలువైన జగన్మాత దుర్గమ్మకు ఇవాళ నుంచి ఏడువారాల నగలు అలంకరించేందుకు అధికారులు ఏర్పాట్లు చేశారు. అమ్మవారి అలంకరణ నిత్యనూతనంగా ఉండేలా ఏడువారాల నగలు కనిపించేందుకు దాతల సహకారాన్ని కూడా దేవస్థానం అధికారులు కోరుతున్నారు.

ఇవాళ అమ్మవారి అలంకరణలో పచ్చలు పొదిగిన హారాలను వినియోగించాలని నిర్ణయించారు. సోమవారం-ముత్యాలు, మంగళవారం-పగడాలు, బుధవారం-పచ్చలు, గరువారం-పుష్యరాగాలు, శుక్రవారం-వజ్రాలు, శనివారం-నీలాలు, ఆదివారం-కెంపులు పొదిగిన హారాలను అలంకరించనున్నారు. అమ్మవారి అలంకరణకు సంబంధించి.. దాతలు ఆసక్తి ఉంటే దేవస్థానంలోని డొనేషన్‌ కౌంటరులో సంప్రదించాలని దేవస్థానం ఈవో సురేష్‌బాబు తెలిపారు.

ఇదీ చదవండి: ఇకపై ఏడువారాల నగలతో దుర్గమ్మకు అలంకరణ