నాటు సారాపై పోలీసుల ముమ్మర దాడులు

రాష్ట్ర వ్యాప్తంగా నాటుసారా ఏరులై పారుతుంది. ప్రభుత్వం, పోలీసులు ఎన్ని విధాలుగా హెచ్చరించినా చాటుమాటుగా సారా విక్రయాలు జోరుగానే సాగుతున్నాయి. దీంతో పోలీసులు అప్రమత్తమై నాటుసారా కేంద్రాలపై, అక్రమ రవాణాపై మెరుపు దాడులు చేస్తున్నారు.

కృష్ణాజిల్లా మైలవరంలో డీఎస్పీ బి.శ్రీనివాసులు ఆధ్వర్యంలో నూజివీడు డివిజన్ పరిధిలోని అన్ని స్టేషన్లలో పట్టుబడ్డ 826 లీటర్ల నాటు సారాను పోలీసులు ధ్వంసం చేశారు.

తూర్పుగోదావరి జిల్లా జగ్గంపేట మండలంలో అక్రమ రవాణా చేస్తున్న 100 లీటర్ల సారాను జగ్గంపేట పోలీసులు స్వాధీనం చేసుకున్నారు. ఒక టాటా మ్యాజిక్ వాహనాన్ని సీజ్ చేశారు. ఇద్దరిని అరెస్టు చేశారు.

అక్రమంగా సారాను తరలించినా, అమ్మినా కఠిన చర్యలు తీసుకుంటామని పోలీసులు హెచ్చరించారు. సారా తయారీదారులు వారి పద్ధతి మార్చుకోకపోతే చర్యలు తప్పవని తెలియజేశారు.

ఇదీ చదవండి 'మహిళలపై ఇన్ని దాడులు జరుగుతున్నా పోలీసులు స్పందించరా?': పవన్