రాష్ట్రంలో బీహార్​ గన్​ కల్చర్​ దురదృష్టకరం: లోకేశ్​

Nara Lokesh on Woman Fired Incident in Nellore: నెల్లూరు జిల్లా తాటిపర్తిలో యువతిపై తుపాకీ కాల్పుల ఘటన తీవ్ర దిగ్భ్రాంతికి గురిచేసిందని తెదేపా నేత నారా లోకేశ్​ ఆవేదన వ్యక్తం చేశారు. 'బీహార్​ని తలపించే విధంగా రాష్ట్రంలో గన్​ కల్చర్ రావడం దురదృష్టకరం' అని లోకేశ్​ ధ్వజమెత్తారు.

Nara lokesh Latest News: బీహార్​ని తలపించే విధంగా రాష్ట్రంలో గన్​కల్చర్ రావడం దురదృష్టకరమని తెదేపా జాతీయ ప్రధాన కార్యదర్శి నారాలోకేశ్ ధ్వజమెత్తారు. నెల్లూరు జిల్లా పొదలకూరు మండలం తాటిపర్తి గ్రామంలో యువతిపై ప్రేమోన్మాది ఘాతుకానికి పాల్పడిన ఘటన తీవ్ర దిగ్భ్రాంతికి గురిచేసిందని లోకేశ్​ ఆవేదన వ్యక్తం చేశారు. యువతి కావ్యను సురేశ్​ రెడ్డి కాల్చి చంపడం దారుణమని ఆక్షేపించారు. పెళ్లికి అంగీకరించలేదన్న నెపంతో యువతి బంగారు భవిష్యత్త్​ను నాశం చేయడం హేమమైన చర్యగా పేర్కొన్నారు. ఆడబిడ్డలపై పెరిగిపోతున్న ఈ తరహా అఘాయిత్యాలకు ప్రభుత్వం అడ్డుకట్ట వేయాలని లోకేశ్ డిమాండ్ చేశారు.

ఇదీ చదవండి: