OTS Scheme: రేపట్నుంచి ఓటీఎస్‌ ప్రారంభం : మంత్రి కొడాలి

Kodali Nani On OTS Scheme: రాష్ట్రంలో రేపటి నుంచి వన్​ టైం సెటిల్​మెంట్ (ఓటీఎస్) పథకం అమలు చేయనున్నట్లు పౌర సరఫరాలశాఖ మంత్రి కొడాలి నాని స్పష్టం చేశారు. లబ్ధిదారులకు ఎంత రుణం ఉన్నా.. ఓటీఎస్ ద్వారా రూపాయి తీసుకుకోకుండా ప్రభుత్వమే రిజిస్ట్రేషన్ చేస్తుందని తెలిపారు. ఈ పథకం ద్వారా 5 లక్షల మంది పేదలకు ప్రయోజనం చేకూరనుందని మంత్రి స్పష్టం చేశారు.

Minister Kodali Nani On OTS Scheme:ముఖ్యమంత్రి జగన్ జన్మదినాన్ని పురస్కరించుకుని రాష్ట్రంలో రేపటి నుంచి వన్​ టైం సెటిల్​మెంట్ (ఓటీఎస్) పథకం అమలు చేయనున్నట్లు పౌర సరఫరాలశాఖ మంత్రి కొడాలి నాని స్పష్టం చేశారు. గృహ నిర్మాణశాఖ నుంచి రుణం తీసుకుని ఇల్లు నిర్మించుకున్న లబ్ధిదారులకు ఓటీఎస్ పథకం ద్వారా హక్కు కల్పిస్తామని తెలిపారు. హక్కు లేక రూ. 15-20 లక్షల విలువైన ఇళ్లను రూ. 2-3 లక్షలకే అమ్ముకోవాల్సిన పరిస్థితి ఏర్పడిందన్నారు.

తక్కువ ధరకే ఇళ్లు అమ్ముకునే పరిస్థితి నుంచి ఓటీఎస్ తప్పిస్తుందన్నారు. లబ్ధిదారులకు ఎంత రుణం ఉన్నా.. ఓటీఎస్ ద్వారా రూపాయి తీసుకుకోకుండా ప్రభుత్వమే రిజిస్ట్రేషన్ చేస్తుందని తెలిపారు. ఈ పథకం ద్వారా 5 లక్షల మంది పేదలకు ప్రయోజనం చేకూరనుందని స్పష్టం చేశారు.

పేద ప్రజల సంక్షేమం కోసం తీసుకొచ్చిన ఈ పథకాన్ని ప్రతిపక్ష నేతలు పనిగట్టుకొని విమర్శిస్తున్నారని మండిపడ్డారు. పేదలకు నష్టం చేకూర్చేందుకే ఇలాంటి ప్రయత్నాలు చేస్తున్నారని దుయ్యబట్టారు. జగనన్న పాలవెల్లువ ద్వారా రాష్ట్ర వ్యాప్తంగా పాడి రైతులకు అమూల్ అదనంగా రూ.7 చెల్లిస్తోందని మంత్రి తెలిపారు.

పవన్ రాజకీయ అజ్ఞాని..
జనసేన అధినేత పవన్ కల్యాణ్ రాజకీయ అజ్ఞాని అని మంత్రి కొడాలి నాని విమర్శించారు. వైకాపా ఎంపీలు ప్లకార్డులు పట్టుకుంటే విశాఖ ఉక్కు ప్రైవేటీకరణ ఆపేస్తారా? అని ప్రశ్నించారు. విశాఖ ఉక్కు పరిశ్రమ విషయం తేల్చాల్సింది కేంద్రమేనని స్పష్టం చేశారు. తమ పార్టీకి పవన్ కల్యాణ్ సలహాలు ఇవ్వడం ఏంటని కొడాలి నిలదీశారు. తమ పార్టీ వ్యూహకర్త ప్రశాంత్ కిషోర్​ అని పవన్ కల్యాణ్‌ కాదని ఎద్దేవా చేశారు. పవన్ కల్యాణ్‌ సలహాలు ఇవ్వదలచుకుంటే భాజపాకు ఇచ్చుకోవాలని సూచించారు.

ఇదీ చదవండి