Minister Botsa: రాష్ట్రవ్యాప్తంగా జరుగుతున్న సీపీఎస్ ఆందోళనలపై విద్యాశాఖ మంత్రి బొత్స సత్యనారాయణ స్పందించారు. సీపీఎస్ అంశంపై ప్రభుత్వం ఓ కమిటీ వేసినట్లు తెలిపారు. అధ్యయనం తర్వాత జరిగే కమిటీ భేటీలో సీపీఎస్‌పై స్పష్టత వచ్చే అవకాశం ఉందని వెల్లడించారు. అవకాశం ఉన్నంతవరకు ప్రతి అంశాన్నీ పరిష్కరిస్తున్నామని పేర్కొన్నారు. ఈలోగా ఉపాధ్యాయులు సీఎంవో ముట్టడికి వెళ్లడం భావ్యమా? అని బొత్స ప్రశ్నించారు.
సీపీఎస్ అంశంపై ప్రభుత్వం ఓ కమిటీ వేసింది
విజయవాడ-గుంటూరు రహదారిలో భారీగా పోలీసులు: సీపీఎస్ రద్దు చేయాలంటూ.. యూటీఎఫ్ తలపెట్టిన సీఎంవో ముట్టడి నేపథ్యంలో.. ప్రయాణికులు, విద్యార్థులు తీవ్ర ఇబ్బందులు పడుతున్నారు. తనిఖీల పేరుతో ప్రయాణికులకు పోలీసులు చుక్కలు చూపిస్తున్నారు. ఎక్కడికక్కడ బారికేడ్లు ఏర్పాటు చేసి నిలిపివేస్తుండటంతో.. సాధారణ ప్రయాణికులకు ఇబ్బందులు తప్పడం లేదు.