దేశ రక్షణ రంగ ఉత్పత్తిలోకి మేఘా ఇంజినీరింగ్ ఇన్ఫ్రాస్ట్రక్షర్ లిమిటెడ్ సంస్థ ప్రవేశించింది. మౌలిక వసతులు, నిర్మాణ రంగంలో గుర్తింపు సాధించిన ఎంఈఐఎల్ దేశ రక్షణకు సంబంధించిన ఆయుధాలు, వివిధ పరికరాలను తయారు చేసేందుకు అనుమతులు సంపాదించింది. రూ. 500 కోట్ల రూపాయల వ్యయంతో తెలంగాణ రంగారెడ్డి జిల్లాలోని జీడిమెట్ల పారిశ్రామికవాడలో ఇందుకు సంబంధించిన పరిశ్రమను ఏర్పాటు చేసేందుకు హోం, వాణిజ్య, పరిశ్రమల మంత్రిత్వ శాఖలు అనుమతులిచ్చాయి.
మేకిన్ ఇండియాలో భాగంగా డిఫెన్స్ ప్రొక్యూర్మెంట్ పాలసీ 2020కి అనుగుణంగా రక్షణ రంగానికి అవసరమైన ఆయుధాలు, వాహనాలు, విడి పరికరాలు, సాయుధ సంపత్తిని ఉత్పత్తి చేసేందుకు అనుమతి కోరుతూ ఎంఈఐఎల్ దరఖాస్తు చేసుకోగా.. కేంద్ర ప్రభుత్వం నిశితంగా పరిశీలించి అనుమతులు మంజూరు చేసింది.