అన్ని రాష్ట్రాల్లోని ప్రభుత్వాలు అగ్రిగోల్డ్ బాధితులను ఆదుకోవాలి
Agri Gold: ఏపీ తరహాలోనే మిగిలిన రాష్ట్రాల్లో అగ్రిగోల్డ్ బాధితులకు ప్రభుత్వాలు న్యాయం చేయాలని అగ్రి గోల్డ్ బాధితులు, ఏజెంట్ల సంక్షేమ సంఘం గౌరవాధ్యక్షుడు ముప్పాళ్ల నాగేశ్వరరావు డిమాండ్ చేశారు. ఏపీ, కర్ణాటక, తెలంగాణ, ఒడిశా రాష్ట్రాలకు చెందిన 150 మంది ప్రతినిధులతో ఆదివారం విజయవాడ దాసరి భవన్‌లో సమావేశం నిర్వహించారు. 31 లక్షల మందితో అగ్రిగోల్డ్ ఫెడరేషన్ ఏర్పాటు చేశామన్నారు. అగ్రిగోల్డ్‌కు సంబంధించిన కేసులను తెలంగాణ నుంచి ఏలూరు కోర్ట్‌కి బదిలీ చేశారని తెలిపారు. ఇకపై ఏలూరు కోర్టులోనే న్యాయపోరాటం చేస్తామన్నారు.