కరోనాపై పోరుకు పలు సంస్థలు విరాళం

కరోనా వైరస్​ విజృంభిస్తున్న నేపథ్యంలో ముఖ్యమంత్రి సహాయనిధికి విరాళాలు కొనసాగుతున్నాయి. కరోనాపై పోరుకు పలు సంస్థలు సహాయం అందిస్తున్నాయి.

కొవిడ్​-19 నివారణ, సహాయ చర్యల కోసం ముఖ్యమంత్రి సహాయనిధికి విరాళాలు కొనసాగుతున్నాయి. ఏపీ ప్రైవేట్‌ మెడికల్‌ అండ్ డెంటల్‌ కాలేజెస్‌ అసోసియేషన్‌ రూ.2కోట్లు విరాళం ప్రకటించింది. అందుకు సంబంధించిన చెక్కును అసోసియేషన్‌ అధ్యక్షుడు ఎన్‌.ఉపేంద్రనాధ్ తాడేపల్లిలోని క్యాంపు కార్యాలయంలో సీఎం జగన్​కు అందజేశారు. మైలాన్‌ లేబోరేటరీస్‌ లిమిటెడ్‌ సీఎం సహాయనిధికి రూ.కోటి విరాళం ఇచ్చింది. ఆ సంస్థ హెడ్‌ ఆఫ్‌ గ్లోబల్‌ ఏపీఐ ఆపరేషన్స్ ఏ.జ్యోతిబసు చెక్కును ముఖ్యమంత్రికి అందజేశారు. ఏపీ ఫెర్రో అల్లాయీస్‌ ప్రొడ్యూసర్స్‌ అసోసియేషన్‌ కోటి ఒక లక్ష 51 వేలు విరాళాన్ని సీఎం సహాయనిధికి అందించింది. సీఎం జగన్​కు కలిసిన వైకాపా పార్లమెంటరీ పార్టీ నేత విజయసాయిరెడ్డి వీటన్నింటికి సంబంధించిన చెక్కులు, వివరాలను అందించారు.

ఇదీ చూడండి:సీఎం సహాయ నిధికి నాలుగేళ్ల బుడతడి విరాళం