లోకాయుక్తను విజయవాడ ఆర్ అండ్ బీ ప్రధాన కార్యాలయ భవనంలో ఏర్పాటు చేస్తున్నట్లు ప్రభుత్వం ఉత్తర్వులు జారీ చేసింది . ప్రస్తుతం హైదరాబాద్ బషీర్బాగ్ లో కొనసాగుతున్న లోకాయుక్త ,ఉప లోకాయుక్తలను విజయవాడకు తరలించనున్నారు . మహాత్మ గాంధీ రోడ్ లోని రోడ్డు భవనాల శాఖ ప్రధాన కార్యాలయ మొదటి అంతస్తులో లోకాయుక్త కార్యాలయంకు కేటాయించినట్లు ఉత్తర్వుల్లో పేర్కొన్నారు . ప్రస్తుతం లోకాయుక్తలో ఫిర్యాదు చేయాలంటే బాధితులు హైదరాబాద్కు వెళ్లాల్సి వస్తోంది . ఇప్పుడు విజయవాడకు తరలించేందుకు ప్రభుత్వం ఉత్తర్వులు జారీ చేయటంతో ఫిర్యాదుదారులు హర్షం వ్యక్తం చేస్తున్నారు .
ఆర్ అండ్ బీ ప్రధాన కార్యాలయ భవనంలో లోకాయుక్త