రాష్ట్రంలో వివిధ కారణాలతో ఎన్నికలు జరగని మున్సిపల్ కార్పొరేషన్లు, మున్సిపాలిటీలు, నగర పంచాయతీలకు ఇవాళ ఎన్నికలు జరుగుతున్నాయి. ఉదయం 7 గంటలకు మొదలైన పోలింగ్.. సాయంత్రం 5 గంటల వరకు జరగనుంది. పోలింగ్ ప్రశాంతంగా జరిగేలా ఎన్నికల సంఘం అన్ని ఏర్పాట్లు పూర్తి చేసింది.
నెల్లూరు మున్సిపల్ కార్పొరేషన్లో అన్ని డివిజన్లలో ఎన్నికలు జరగుతున్నాయి. పశ్చిమ గోదావరి జిల్లాలో ఆకివీడు, కృష్ణా జిల్లాలో జగ్గయ్యపేట, కొండపల్లి , గుంటూరు జిల్లాలో దాచేపల్లి, గురజాల, ప్రకాశం జిల్లాలో దర్శి, నెల్లూరు జిల్లాలో బుచ్చిరెడ్డి పాలెంలో పోలింగ్ నిర్వహిస్తున్నారు. తెలుగు దేశం పార్టీ అధినేత చంద్రబాబు ప్రాతినిధ్యం వహిస్తోన్న చిత్తూరు జిల్లాలో కుప్పం మున్సిపాలిటీలో ఎన్నికలను అధికార ప్రతిపక్ష పార్టీలు అత్యంత ప్రతిష్టాత్మకంగా తీసుకున్నాయి. ఇక్కడ ఇవాళ పోలింగ్ ప్రశాంతంగా జరిపేందుకు ఏర్పాట్లు చేశారు. కర్నూలు జిల్లాలో బేతం చర్ల , కడప జిల్లాలో కమలాపురం, కడప జిల్లా రాజంపేట, అనంతపురం జిల్లాలో పెనుకొండ మున్సిపాలిటీలకు ఎన్నికలు జరుగుతున్నాయి.
వివిధ కార్పొరేషన్లు, మున్సిపాలిటీలు, నగర పంచాయతీల్లో ఎన్నికలు జరగని వార్డుల్లోనూ ఎన్నికల కమిషన్ పోలింగ్ నిర్వహిస్తోంది. గ్రేటర్ విశాఖలో రెండు డివిజన్ స్థానాలకు, విజయనగరం, కాకినాడ, ఏలూరు, మచిలీపట్నం, గుంటూరు, అనంతపురం మున్సిపల్ కార్పొరేషన్‌ల పరిధిలోని 10 డివిజన్‌ల్లో ఎన్నికలు నిర్వహిస్తున్నారు. గ్రేటర్ విశాఖలో 31, 61 వార్డుల్లో ఎన్నికలు జరగనున్నాయి. విజయనగరం జిల్లా బొబ్బిలి, తూర్పు గోదావరి జిల్లా పిఠాపురం, పశ్చిమ గోదావరి జిల్లా కొవ్వూరు, కృష్ణా జల్లా నూజివీడు , గుంటూరు జిల్లా రేపల్లి, మాచర్ల, ప్రకాశం జిల్లా అద్దంకి, కడప జిల్లాలో బద్వేలు, చిత్తూరు జిల్లా నగరి, కర్నూలు జిల్లా నందికొట్కూరు, ఎమ్మిగనూరు, అనంతపురం జిల్లా రాయదుర్గంలో పలు వార్డులకు ఎన్నికలు నిర్వహిస్తున్నారు.
కడప జిల్లాలో...
కడప జిల్లా కమలాపురం నగర పంచాయతీ, రాజంపేట మున్సిపాలిటీ ఎన్నికల పోలింగ్ ప్రశాంతంగా ప్రారంభమైంది. రెండు మున్సిపాలిటీల్లో 50 వార్డుల్లో 50 వేల మంది ఓటర్లు తమ ఓటు హక్కును వినియోగించు కోనున్నారు. ఉదయం ఏడు గంటలకి పోలింగ్ ప్రారంభం కావడంతో అప్పటికే ఓటర్లు పోలింగ్ కేంద్రాల వద్ద బారులు తీరారు. ప్రధానంగా కమలాపురం నగర పంచాయతీలో ఇరవై వార్డులు ఉన్నాయి. 20 వార్డుల్లో కూడా తెదేపా, వైకాపా అభ్యర్థులు పోటీ పడుతున్నారు. ఉదయం 11 గంటలకు రెండు మున్సిపాలిటీలకు సంబంధించి 37 శాతం పోలింగ్ నమోదు అయిందని ఎన్నికల అధికారులు ప్రకటించారు. కమలాపురం నగర పంచాయతీలో ఉదయం 11 గంటలకు 42 శాతం పోలింగ్, రాజంపేట మున్సిపాలిటీ లో 32శాతం, బద్వేల్ మున్సిపాలిటీ వార్డులో 37 శాతం పోలింగ్ నమోదైంది. రెండు ప్రధాన పార్టీలు కూడా ఎన్నికలను ప్రతిష్ఠాత్మకంగా తీసుకోవడంతో ఓటర్లు కూడా పెద్ద సంఖ్యలో పోలింగ్ కేంద్రానికి వచ్చి ఓటు హక్కు వినియోగించుకున్నారు.
తూర్పుగోదావరి జిల్లాలో...
తూర్పుగోదావరి జిల్లాలోని కాకినాడ నగర పాలక సంస్థలో వివిధ కారణాలతో ఖాళీగా ఉన్న నాలుగు డివిజన్ల ఎన్నికలు ప్రశాంతంగా జరుగుతున్నాయి. ఉదయం 7 గంటలకు పోలింగ్ ప్రారంభం అయింది. 30 డివిజన్లలో ఎన్నికల్లో మొత్తం 23,332 మంది ఓటర్లు ఓటు హక్కు వినియోగించుకునేలా ఏర్పాట్లు చేశారు. 21 పోలింగ్ కేంద్రాల్లో కట్టుదిట్టమైన భద్రత నడుమ ఎన్నికలు జరుగుతున్నాయి.
నెల్లూరు జిల్లాలో...
నెల్లూరు కార్పొరేషన్, బుచ్చిరెడ్డిపాలెం నగర పంచాయతీ ఎన్నికలు ప్రశాంతంగా సాగుతున్నాయి. పోలింగ్ కేంద్రాలకు తరలివస్తున్న ఓటర్లు, తమ ఓటు హక్కు వినియోగించుకునేందుకు పోలింగ్ బూత్ల వద్ద బారులు తీరుతున్నారు. నెల్లూరులో 4.15 లక్షల మంది ఓటు హక్కు వినియోగించుకోనుండగా, వీరికోసం 384 పోలింగ్ కేంద్రాలు ఏర్పాటు చేశారు. 54 డివిజన్లలో 8 ఏకగ్రీవంకాగా 46 డివిజన్లలో 206 మంది అభ్యర్థులు బరిలో ఉన్నారు. అత్యంత సున్నితమైన 51 పోలింగ్ కేంద్రాలను గుర్తించిన పోలీసులు ఆయా ప్రాంతాల్లో పటిష్ట బందోబస్తు ఏర్పాటు చేశారు.
నెల్లూరు నగర పాలక సంస్థ, బుచ్చిరెడ్డిపాలెం నగర పంచాయతీ ఎన్నికల పోలింగ్ సరళిని జిల్లా కలెక్టర్ చక్రధర బాబు పరిశీలించారు. నగరంలోని 35వ డివిజన్లో తన ఓటు హక్కును కలెక్టర్ వినియోగించుకున్నారు. అనంతరం కలెక్టరేట్లో ఏర్పాటు చేసిన వెబ్ కాస్టింగ్ ద్వారా ఎన్నికల ప్రక్రియను పరిశీలించారు. ఎన్నికలకు కట్టుదిట్టమైన ఏర్పాట్లు చేశామని ఈ సందర్భంగా కలెక్టర్ ప్రకటించారు. నెల్లూరు నగర మున్సిపల్ కార్పొరేషన్ కు సంబంధించి జరుగుతున్న ఎన్నికల్లో తొలి రెండు గంటల్లో 5.86 శాతం పోలింగ్ నమోదైనట్లు అధికారులు తెలిపారు.
కర్నూలు జిల్లాలో...