రామేశ్వర స్వామి దేవస్థానంలో గణపతి నవరాత్రి ఉత్సవాలు

కృష్ణా జిల్లా టేకుపల్లి గ్రామంలోని రామేశ్వర స్వామి దేవస్థానంలో లక్ష మోదక హవన గణపతి పూజలను ఘనంగా నిర్వహించారు. గణేశ్​ ఉత్సవాల్లో భాగంగా.. ఆలయంలో ప్రారంభించిన ఈ వేడుకలు.. ఈ నెల 18 వరకు జరుగుతాయని పాలకవర్గ సభ్యులు తెలిపారు.

కృష్ణా జిల్లా మోపిదేవి మండలం టేకుపల్లి గ్రామంలోని శ్రీ కంచికామకోటి పీఠస్థ శ్రీ బాల పార్వతీ సమేత రామేశ్వర స్వామి దేవస్థానంలో ఆర్ష విజ్ఞాన పరిషత్ హైదరాబాద్​ ఆధ్వర్యంలో వినాయక చవితి వేడుకలను ఘనంగా నిర్వహించారు. శ్రీ గణపతి నవరాత్ర ఉత్సవాల్లో భాగంగా అరుదైన లక్ష మోదక హవన సహిత గణపతి పూజలు, అష్టగణపతుల హోమాలు చేపట్టారు. ఈ కార్యక్రమం ఈనెల 18 వరకు అత్యంత వైభవోపేతంగా జరుపుతామని ఆలయ వేద పండితులు తెలిపారు.

తెలుగు రాష్ట్రాల్లో తొలిసారిగా.. ఈ పూజ జరుగుతుందని అర్చకులు వెల్లడించారు. కొవిడ్ - 19 మహమ్మారి పూర్తిగా తొలగిపోవాలని, ప్రపంచం సుభిక్షంగా ఉండాలని.. ఈ లక్ష మోదక హవన హోమాలు చేస్తున్నట్లు దేవస్థానం పాలకవర్గ సభ్యులు యడవల్లి నిలలోహిత శాస్త్రి వెల్లడించారు.

ఇదీ చదవండి..