నేటి నుంచి 27వ తేదీ వరకు మరోసారి క్రియాశీలక సభ్యత్వ నమోదు కార్యక్రమాన్ని చేపడుతున్నట్లు జనసేన పార్టీ రాజకీయ వ్యవహారాల కమిటీ ఛైర్మన్ నాదెండ్ల మనోహర్ తెలిపారు. నాయకుల కోరిక మేరకు పార్టీ అధినేత పవన్ కల్యాణ్ ఈ నిర్ణయం తీసుకున్నట్లు చెప్పారు. గతంలో క్రియాశీలక సభ్యులుగా చేరలేకపోయిన వారంతా ఈ అవకాశాన్ని సద్వినియోగం చేసుకోవాలని కోరారు.
సభ్యత్వ నమోదు కార్యక్రమం కోసం దాదాపు 3500 మంది వాలంటీర్లు పనిచేస్తున్నారని చెప్పారు. జనసేన పార్టీ ఆవిర్భావ సభను విజయవంతం చేయడానికి జనసైనికులు, వీర మహిళలు.. బాగా కృషిచేశారని... వారందరికీ అభినందనలు తలిపారు.