కోవిన్ యాప్​లో మార్పులపై జేసీ శివశంకర్​

కొత్తగా వచ్చిన కొవిషీల్డ్​ మార్గదర్శకాలకు అనుగుణంగా కోవిన్​ యాప్​లో మార్పులు చేసినట్లు జేసీ శివశంకర్​ తెలిపారు. దీనిపై క్షేత్రస్థాయిలో సిబ్బందికి అవగాహన కల్పించాలని ఆదేశించారు.

కొవిషీల్డ్ మొదటి, రెండవ డోసుల మధ్య సమయాన్ని 42 రోజుల నుంచి 84 రోజులకు పెంచేందుకు కోవిన్ యాప్​లో మార్పులు చేసినట్లు కృష్ణాజిల్లా జేసీ శివశంకర్ తెలిపారు. మే 14 అర్ధరాత్రి నుంచి మార్పులు అమల్లోకి వస్తాయన్నారు. ఈ మార్పులను మున్సిపల్ కమిషనర్లు, ఎంపీడీవోలు గమనించాలని విజ్ఞప్తి చేశారు.

ఇకపై 84 రోజులు తక్కువ వ్యవధి ఉన్న వారికి ఆన్ లైన్, ఆన్ సైట్​లో వ్యాక్సినేషన్ సాధ్యం కాదన్నారు. అయితే ముందస్తుగా ఆన్ లైన్​లో రిజిస్టర్ చేసుకున్న వారి స్లాట్లు రద్దు కావని తెలిపారు. ప్రైవేట్ కొవిడ్ వాక్సినేషన్ సెంటర్లు, క్షేత్రస్థాయి సిబ్బందికి.. ఈ విషయంపై అవగాహన కల్పించాలని సూచించారు.

ఇవీ చదవండి: