గవర్నర్ నరసింహన్ తో జగన్ భేటీ
తెలుగు రాష్ట్రాల గవర్నర్ నరసింహన్‌తో విజయవాడ గేట్ వే హోటల్‌లో వైకాపా అధ్యక్షుడు జగన్మోహన్ రెడ్డి సమావేశమయ్యారు. విజయవాడ కనకదుర్గమ్మను దర్శించుకున్న జగన్.. అక్కడి నుంచి నేరుగా గేట్‌వే హోటల్‌కు చేరుకున్నారు. గవర్నర్‌తో మర్యాదపూర్వకంగా భేటీ అయ్యారు. పుష్పగుచ్చాన్ని అందించారు. శాలువాతో సత్కరించారు. గురువారం మధ్యాహ్నం 12 గంటల 23 నిమిషాలకు ప్రమాణ స్వీకారం చేయనున్న సందర్భంపై మాట్లాడారు. తెలంగాణ ముఖ్యమంత్రి కేసీఆర్, డీఎంకే అధ్యక్షుడు స్టాలిన్‌తో పాటు.. తన ప్రమాణ స్వీకారానికి హాజరయ్యే ఇతర ప్రముఖుల గురించి వివరించారు.