పంచాయతీ ఎన్నికల తొలిదశ నామినేషన్ల ఉపసంహరణ గడువు ముగిసింది. గతనెల 29 నుంచి 3 రోజుల పాటు సర్పంచి, వార్డు పదవులకు నామినేషన్లు స్వీకరించారు. ఫిబ్రవరి 2, 3 తేదీల్లో అభ్యంతరాలు పరిశీలించిన అధికారులు..నేటి వరకు ఉపసంహరణకు గడువిచ్చారు.
తొలిదశ ఎన్నికలకు నామినేషన్ల ప్రక్రియ పూర్తవ్వడంతో..బరిలో నిలిచిన అభ్యర్థుల జాబితా రూపకల్పనకు అధికారులు సిద్ధమయ్యారు. త్వరలోనే వారికి గుర్తులు కేటాయించనున్నారు. పంచాయతీ ఎన్నికల తొలిదశ పోలింగ్ ఈనెల 9న జరగనుంది. ఉదయం ఆరున్నర గంటల నుంచి మధ్యాహ్నం మూడున్నర గంటల వరకు ఓటు హక్కు వినియోగించుకునే అవకాశం కల్పించారు. అదే రోజు ఎన్నికల ఫలితాలు వెలువడనుండగా..ఉపసర్పంచి ఎన్నిక సైతం నిర్వహించనున్నారు.
పలు పంచాయతీలు ఏకగ్రీవం
| జిల్లా | మండలం | పంచాయతీ |
| ప్రకాశం | యద్దనపూడి | తనబుద్ధివారిపాలెం మున్నంగివారిపాలెం వింజనంపాడు |
| ప్రకాశం | టంగుటూరు | వల్లూరు అనంతవరం |
| గుంటూరు | బాపట్ల | అప్పికట్ల ఈతేరు |