ఆసుపత్రి నుంచి దత్తాత్రేయ డిశ్చార్జ్​

సాధారణ వైద్య పరీక్షల కోసం ఆసుపత్రిలో చేరిన బండారు దత్తాత్రేయను వైద్యులు డిశ్చార్జ్​ చేశారు. ఆయన ఆరోగ్యం సాధారణంగానే ఉన్నట్టు వెల్లడించారు. ఆసుపత్రిలో దత్తాత్రేయను పలువురు నేతలు, కార్యకర్తలు పరామర్శించారు.

స్వల్ప అస్వస్థతో తెలంగాణలోని హైదరాబాద్​ హైదర్​గూడ అపోలో ఆసుపత్రిలో చేరిన హిమాచల్​ప్రదేశ్​ గవర్నర్​ బండారు దత్తాత్రేయ డిశ్చార్జ్​ అయ్యారు. ఆయనకు వైద్య పరీక్షలు నిర్వహించి ఎలాంటి ప్రమాదం లేదని వైద్యులు వెల్లడించారు. సాధారణ వైద్యపరీక్షల కోసమే ఆసుపత్రికి వచ్చినట్లు భాజపా రాష్ట్ర అధ్యక్షుడు లక్ష్మణ్ వెల్లడించారు. లక్ష్మణ్​తో పాటు తెదేపా నేత రావుల చంద్రశేఖర్​రెడ్డి, పలువురు భాజపా నేతలు, కార్యకర్తలు దత్తాత్రేయను పరామర్శించారు.

ఇదీ చూడండి:అపోలో ఆస్పత్రిలో చేరిన దత్తాత్రేయ