fruit market damaged: షియర్ జోన్ ప్రభావంతో కురుస్తున్న భారీవర్షాలకు హైదరాబాద్లోని బాటసింగారం పండ్ల మార్కెట్ వ్యాపారులు, రైతులు భారీగా నష్టపోయారు. ఉదయం కురిసిన భారీ గాలివానలకు హైదరాబాద్ శివారులో తాత్కాలికంగా ఏర్పాటు చేసిన ఈ పండ్ల మార్కెట్ టెంట్లు ఎగిరిపోయాయి. ఒక్కసారిగా కురిసిన భారీ వర్షం పండ్ల మార్కెట్ను ముంచెత్తింది. పండ్ల దుకాణాలన్నీ తడిసిపోయాయి. ప్రాంగణంలో ఎక్కడపడితే అక్కడ నిల్వ ఉంచిన పండ్లన్నీ తడిసిపోయాయి. వరదనీటిలో బత్తాయి, ఇతర పలు రకాల పండ్లు నీటిలో కొట్టుకుపోతుండటంతో అవి కాపాడుకునేందుకు వ్యాపారులు, సిబ్బంది, రైతులు నానా తంటాలు పడాల్సి వచ్చింది. ట్రేలు, నిల్వ చేసిన పండ్లపై టార్పాలిన్లు కొట్టుకుపోయాయి.
భారీ వర్షానికి ఎగిరిపోయిన మార్కెట్ టెంట్లు.. నీటిలో కొట్టుకుపోయిన పండ్లు