వైద్యుడు సుధాకర్ కేసుపై హైకోర్టులో విచారణ

వైద్యుడు సుధాకర్‌పై దాడి కేసుపై హైకోర్టు విచారణ జరిపింది. తుది నివేదిక సమర్పణకు సీబీఐ రెండు వారాలు గడువు కోరగా... హైకోర్టు నిరాకరించింది. ఈనెల 26న నివేదిక సమర్పించాలని సీబీఐని ఆదేశించింది.

విశాఖలో వైద్యుడు సుధాకర్​పై జరిగిన దాడి కేసుపై హైకోర్టు విచారణ జరిపింది. ఈనెల 11న సీబీఐ రెండోసారి నివేదికను ధర్మాసనానికి సమర్పించింది. తుది నివేదిక ఇచ్చేందుకు మరో రెండు వారాలు గడువు కావాలని సీబీఐ తరపు న్యాయవాది ధర్మాసనాన్ని కోరగా... కోర్టు నిరాకరించింది. ఈనెల 26లోపు తుది నివేదికను సమర్పించాలని సీబీఐను ఆదేశించింది. తదుపరి విచారణను ఈనెల 26కి వాయిదా వేసింది.

ఘటనపై సీబీఐ విచారణ జరిపించాలని కోరుతూ తెదేపా మహిళా నేత వంగలపూడి అనిత రాసిన లేఖను హైకోర్టు గతంలో సుమోటోగా తీసుకుంది. దానిపై విచారణ జరిపిన న్యాయస్థానం సీబీఐను విచారణకు ఆదేశించింది.

ఇదీ చదవండి: