'ఐదేళ్లుగా 25 కోట్ల మందికి లబ్ధి చేకూర్చారు'

ప్రధాని మోదీ విజయంపై విజయవాడలోని పార్టీ కార్యాలయంలో భాజపా ఎంపీ జీవీయల్​ నరసింహారావు మాట్లాడారు. ఎంతో మందిగా ఉపాధినిచ్చారని, సంక్షేమ కార్యక్రమాలు ప్రవేశపెట్టారని ప్రజలు విశ్వసించారు కాబట్టే తిరిగి ఎన్నికయ్యారని తెలిపారు.

సార్వత్రిక ఎన్నికల్లో నరేంద్రమోదీ నాయకత్వంలో భాజపా చారిత్రక విజయం సాధించిందని విజయవాడలోని పార్టీ కార్యాలయంలో భాజపా రాజ్యసభ ఎంపీ జీవియల్ నరసింహారావు అన్నారు. ఈ విజయం వెనుక మోడీ 5 ఏళ్లుగా 25 కోట్లమందికి ఉపయోగపడేలా చేసిన సంక్షేమ కార్యక్రమాలు ఉన్నాయన్నారు. ప్రజలంతా బీజేపీని గెలిపిస్తే... జాతిని గెలిపించినట్లేనని భావించారన్నారు. ప్రజారంజక పాలన అందిస్తే విజయం వరిస్తుందని నిరూపణ అయ్యిందన్నారు. తెలంగాణ ఎన్నికల్లో కేసీఆర్​ను చిన్న మోడీ అంటే విజయం ఇచ్చారని... నెలలు గడవక ముందే ప్రజలు కేసీఆర్​కు షాక్ ఇచ్చారన్నారు. ఏపిలో విజయం సాధించిన వైఎస్ ​జగన్​కు అభినందనలు తెలిపారు. ప్రత్యామ్నాయంగా ఉంటానని జగన్ చెప్పిన మాటలను ప్రజలు విశ్వసించారన్నారు. తెదేపా చేసిన తప్పులు, హద్దుమీరిన అహంకారం కూడా ఆ పార్టీకి నష్టం కలిగించాయన్నారు. ఏపీలో ఆశించిన ఫలితాలు బిజెపి సాధించలేదని దానిపై విశ్లేషించుకుని భవిష్యత్తులో ప్రత్యామ్నాయ శక్తిగా ఎదుగుతామని ధీమా వ్యక్తం చేశారు.