ప్రజలంతా బాగుండాలని అమ్మవారిని ప్రార్థించా: గవర్నర్

గవర్నర్ బిశ్వభూషణ్.. ఇంద్రకీలాద్రిపై అమ్మవారిని సతీసమేతంగా దర్శించుకున్నారు. ప్రజలకు దసరా శరన్నవరాత్రుల శుభాకాంక్షలు తెలిపారు.

విజయవాడ ఇంద్రకీలాద్రిపై దసరా శరన్నవరాత్రుల ఉత్సవాల్లో గవర్నర్ బిశ్వభూషణ్‌ హరిచందన్ పాల్గొన్నారు. అమ్మవారి దర్శనానికి సతీ సమేతంగా వెళ్లిన గవర్నర్​కు ఆలయ మర్యాదలతో అర్చకులు, అధికారులు ఘనంగా స్వాగతం పలికారు. గాయత్రీదేవి అలంకారంలో ఉన్న అమ్మవారిని గవర్నర్ దంపతులు దర్శించుకున్నారు. అనంతరం..అమ్మవారి ప్రసాదం, చిత్రపటాన్ని వారికి అధికారులు అందించారు. ప్రజలందరూ బాగుండాలని కనకదుర్గమ్మను కోరుకున్నట్టు గవర్నర్ చెప్పారు.