రాష్ట్రంలో సూక్ష్మ, స్థూల, మధ్య తరహా పరిశ్రమలు ఏర్పాటు చేసేందుకు ముందుకొచ్చే ఔత్సాహికులకు శిక్షణ కార్యక్రమాలతోపాటు తగిన మార్కెటింగ్‌ సౌకర్యం సమకూర్చేందుకు... తాము పూర్తిస్థాయిలో సహకరిస్తామని ఎంఎస్ఎంఈ ఛాంబర్ ఆఫ్‌ కామర్స్‌ రాష్ట్ర శాఖ ప్రకటించింది. దేశ ఆర్థిక వ్యవస్థపై కరోనా వైరస్‌ తీవ్ర ప్రతికూల ప్రభావం చూపించిన తరుణంలో... కేంద్ర ప్రభుత్వం ఆత్మనిర్బర్‌ భారత్‌ అభియాన్‌ పేరిట ప్రత్యేక ఆర్థిక ప్యాకేజీ ప్రకటించి ఎంఎస్ఎంఈ యూనిట్లను ప్రోత్సహిస్తోందని వివరించింది.
'ఔత్సాహికులకు పూర్తిస్థాయిలో సహకరిస్తాం' - ఏపీలో ఎంఎస్ఎంఈ కార్యకలాపాల వార్తలు
సూక్ష్మ, స్థూల, మధ్యతరహా పరిశ్రమలు ఏర్పాటు చేసేందుకు ముందుకొచ్చే ఔత్సాహికులకు తాము పూర్తిస్థాయిలో సహకరిస్తామని ఎంఎస్ఎంఈ ఛాంబర్ ఆఫ్‌ కామర్స్‌ రాష్ట్ర శాఖ ప్రకటించింది. ఈనెల 12వ తేదీన మత్స్య రంగంలో అవకాశాలు, ప్రభుత్వ ప్రోత్సాహకాలపై విజయవాడలోని ఎంఎస్ఎంఈ ఛాంబర్ ఆఫ్‌ కామర్స్‌ రాష్ట్ర కార్యాలయంలో ప్రత్యేక అవగాహన కార్యక్రమం ఏర్పాటు చేశారు.
ఛాంబర్ ఆఫ్‌ కామర్స్‌ రాష్ట్ర శాఖ
రాష్ట్రంలో ఆహార తయారీ.. మత్స్య ఉత్పత్తుల రంగాల్లో ఎక్కువ అవకాశాలున్నాయని ఎంఎస్ఎంఈ ఛాంబర్ ఆఫ్‌ కామర్స్‌ రాష్ట్ర ఛైర్మన్‌ దాసరి దేవరాజ్‌, అధ్యక్షుడు అట్లూరి రవికుమార్‌ తెలిపారు. ఈనెల 12వ తేదీన మత్స్య రంగంలో అవకాశాలు, ప్రభుత్వ ప్రోత్సాహకాలపై విజయవాడలోని ఎంఎస్ఎంఈ ఛాంబర్ ఆఫ్‌ కామర్స్‌ రాష్ట్ర కార్యాలయంలో ప్రత్యేక అవగాహన కార్యక్రమం ఏర్పాటు చేశామన్నారు. రాష్ట్రవ్యాప్తంగా 900 యూనిట్లను ఏర్పాటు చేయించాలనేది తమ లక్ష్యమని చెప్పారు.
ఇదీ చదవండీ... హంద్రీనీవా సుజల స్రవంతితో అనంతపురం జిల్లా సస్యశ్యామలం: జగన్