Godavari River Board: తెలుగు రాష్ట్రాలకు గోదావరి బోర్డు లేఖ

20:53 July 16

Godavari river Board letter to Telugu states

కొత్త ప్రాజెక్టుల వివరాలు ఇవ్వాలని తెలుగు రాష్ట్రాలను గోదావరి బోర్డు (godavari river management board) కోరింది. ఈ మేరకు ఏపీ జలవనరుల శాఖ కార్యదర్శి, తెలంగాణ నీటిపారుదల శాఖ ప్రత్యేక ప్రధాన కార్యదర్శికి బోర్డు లేఖ రాసింది. 2020 అక్టోబర్‌లో జరిగిన అపెక్స్‌ కౌన్సిల్‌, జూన్‌లో జరిగిన బోర్డు సమావేశంలో తీసుకున్న నిర్ణయాలకు అనుగుణంగా కొత్త ప్రాజెక్టుల డీపీఆర్‌లు ఇవ్వాలని సూచించింది. డీపీఆర్‌లు ఇచ్చేందుకు 2 రాష్ట్రాలు అంగీకరించాయని లేఖలో ప్రస్తావించింది. 

సీడబ్ల్యూసీ మార్గదర్శకాలకు లోబడి పట్టిసీమ, పురుషోత్తమపురం ఎత్తిపోతల డీపీఆర్‌లు ఇవ్వాలని స్పష్టం చేసింది. ఇప్పటివరకు తెలంగాణ నుంచి ఎలాంటి డీపీఆర్‌లు అందలేదని స్పష్టం చేసింది. వీలైనంత త్వరగా డీపీఆర్‌లు సమర్పించాలని రెండు రాష్ట్రాలను గోదావరి బోర్డు కోరింది. 

ఇదీ చదవండి

AP Govt: రాష్ట్ర హక్కులను కేంద్ర గెజిట్​ కాపాడుతుంది: జల వనరుల శాఖ