రాజధాని అంశాన్ని కేంద్రం పరిధిలోకి తీసుకురావాలి: గల్లా

కేంద్ర, రాష్ట్ర లిస్టుల్లో కానీ... లేదా రెండింటి సంయుక్త లిస్ట్‌లో లేని రాజధాని తరహా అంశంలో తుది నిర్ణయం తీసుకునే అర్హత... 248 అధికరణ ప్రకారం కేంద్ర ప్రభుత్వానికే ఉంటుందని తెలుగుదేశం ఎంపీ గల్లా జయదేవ్.... లోక్‌సభ దృష్టికి తీసుకొచ్చారు. అమరావతి నిర్మాణానికి కేంద్రం ఇప్పటికే నిధులిచ్చిందని... ఇప్పుడు తమకు సంబంధం లేదంటే వాటికి, ప్రజలకు జవాబుదారీ ఎవరని ప్రశ్నించారు.

రాజధాని అంశం... కేంద్ర, రాష్ట్ర, సంయుక్త లిస్టుల్లో ఎక్కడా లేకపోవటంతో గందరగోళం తలెత్తింది. ఈ తరహా అంశాల్లో తుది నిర్ణయం తీసుకునేందుకు... రాజ్యాంగంలోని 248 అధికరణం ప్రకారం... కేంద్ర ప్రభుత్వానికి అధికారం ఉంది. రాజధాని అంశాన్ని కేంద్రం పరిధిలోకి తీసుకొస్తూ నిర్ణయం తీసుకుంటే ఈ గందరగోళానికి తెరపడుతుంది. అలా చేయకపోతే ఆంధ్రప్రదేశ్‌ ప్రభుత్వ విధానాన్ని ఇతర రాష్ట్రాలూ అనుసరించే అవకాశముంది. అప్పుడు అలాంటి నిర్ణయాల్లో కేంద్రం జోక్యం చేసుకోలేని పరిస్థితి ఏర్పడుతుంది.

- గల్లా జయదేవ్‌, తెదేపా ఎంపీ

ఇదీ చదవండి:రాష్ట్రంలో కొత్తగా 8,218 కరోనా కేసులు నమోదు