రంగారెడ్డి జిల్లాలో అగ్నిప్రమాదం.. భారీగా ఎగిసిపడ్డ మంటలు

fire accident: తెలంగాణ రాష్ట్రం రంగారెడ్డి జిల్లాలోని ఓ టైర్ల దుకాణంలో అగ్ని ప్రమాదం జరిగింది. ఆ షాపులోంచి పెద్ద ఎత్తున మంటలు ఎగిసిపడ్డాయి. అంతే కాకుండా పక్కనే ట్రాన్స్​ఫార్మర్ ఉండటంతో.. స్థానికులు భయాందోళనకు గురయ్యారు.

fire accident: తెలంగాణ... రంగారెడ్డి జిల్లా తుర్కయంజాల్ మున్సిపాలిటీ పరిధిలో అగ్ని ప్రమాదం సంభవించింది. మన్నేగూడ వద్ద టైర్ల దుకాణంలో మంటలు చెలరేగాయి. టైర్ల దుకాణం కావడంతో... మంటలు పెద్ద ఎత్తున ఎగిసిపడ్డాయి. అక్కడి పరిసరాలు మొత్తం పొగతో కమ్ముకున్నాయి. ఈ ఘటనతో చుట్టు పక్కల ప్రాంత వాసులు భయాందోళనకు గురయ్యారు. అంతేకాకుండా టైర్ల దుకాణం సమీపంలోనే ట్రాన్స్​ఫార్మర్​ ఉంది. దీని వల్ల పెద్ద ప్రమాదం జరగవచ్చని స్థానికులు భయపడ్డారు.

fire accident: సమాచారం అందుకున్న ఆగ్నిమాపక సిబ్బంది ఘటన స్థలికి చేరుకున్నారు. రెండు ఫైర్ ఇంజిన్లతో.. మంటలను అదుపులోకి తీసుకువచ్చే ప్రయత్నం చేశారు. కానీ అప్పటికే జరగాల్సిన నష్టం జరిగిపోయింది. దుకాణంలోని సామగ్రి అంతా కాలిపోయింది. షాపు యజమాని ఈ ప్రమాదం వల్ల తనకు భారీ నష్టం వాటిల్లిందని... ఆవేదన చెందుతున్నారు. ఈ ప్రమాదంతో భారీగా కమ్ముకున్న పొగతో వాహనదారులు ఇబ్బందులు పడుతున్నారు. మన్నెగూడ వద్ద సాగర్ హైవేపై ట్రాఫిక్ నిదానంగా సాగింది.

• ఇదీ చదవండి:పక్కా ప్లాన్ వేశాడు.. స్నేహితులతో కలిసి తండ్రిని చంపేశాడు!