తెలంగాణ మంత్రి హరీశ్ రావు... కాన్వాయ్‌కి ప్రమాదం
తెలంగాణలోని సిద్దిపేట జిల్లా కొండపాక వద్ద ఆ రాష్ట్ర ఆర్థిక శాఖ మంత్రి హరీశ్(HARISH) రావు కాన్వాయ్‌కి ప్రమాదం జరిగింది. అడవి పందుల గుంపు అడ్డు రావడంతో.. వాటిని తప్పించబోయి పైలట్ వాహనం డ్రైవర్ సడన్ బ్రేక్ వేశారు. ఫలితంగా కాన్వాయ్లోని వాహనాలు పరస్పరం ఢీకొన్నాయి. ఘటనా స్థలి నుంచి మరో వాహనంలో హరీశ్ రావు హైదరాబాద్కు వెళ్లారు. ప్రమాద విషయం తెలిసిన వెంటనే.. హరీశ్రావుకు ముఖ్యమంత్రి కేసీఆర్ ఫోన్ చేశారు. ఘటన వివరాలను అడిగి తెలుసుకున్నారు. తను క్షేమంగానే ఉన్నట్లు హరీశ్ రావు తెలిపారు.