Father raped Daughters in Vanasthalipuram : మానవత్వం మంట కలిసింది. ఓ కర్కశ తండ్రి కన్న కూతుళ్లపైనే లైంగికదాడికి యత్నించాడు. వనస్థలిపురం ఠాణా పరిధిలో ఆలస్యంగా ఆదివారం వెలుగులోకి వచ్చింది. పోలీసులు తెలిపిన ప్రకారం.. నల్గొండ జిల్లా దేవరకొండలోని ఓ తండాకు చెందిన వ్యక్తికి భార్య, ఐదుగురు సంతానం. వారిలో 20, 13, 11 ఏళ్ల కుమార్తెలు, ఇద్దరు కుమారులున్నారు. వనస్థలిపురంలోని ఓ కాలనీలో ఉంటున్నారు. అతను ఆటోడ్రైవర్‌. మద్యానికి బానిసయ్యాడు. ఈ క్రమంలో అతడి కన్ను ఎదిగిన కుమార్తెలపై పడింది. నిత్యం మద్యం తాగి వచ్చి వారిని లైంగికంగా వేధించసాగాడు. అతడి ప్రయత్నాలను ఎప్పటికప్పుడు భార్య ప్రతిఘటించేది.
భార్యను ఇంట్లో నుంచి గెట్టేసి..
Father raped Daughters in Hyderabad : అయితే, ఈనెల 17న ఆమెను కొట్టి ఇంటి నుంచి వేరే గ్రామానికి పంపించాడు. శుక్రవారం రాత్రి ఇంటికి వచ్చి తొలుత తన 13 ఏళ్ల కుమార్తెపై లైంగిక దాడికి ప్రయత్నించాడు. మిగతా కుమార్తెలు అరవడంతో భయపడిన అతడు ఇంటి గేటుకు తాళం వేసి వెళ్లిపోయాడు. అనంతరం ఆ అక్కాచెల్లెళ్లు తప్పించుకుని షీ టీమ్‌ పోలీసులకు ఫోన్‌ చేశారు. రెండు గంటలైనా స్పందన లేకపోవడంతో తమను పోలీసులు రక్షించలేరని భావించి ఆత్మహత్య చేసుకునేందుకు సమీపంలోని చెరువు వద్దకు వెళ్లారు.