dj tillu movie celebrations: డీజే టిల్లు చిత్ర బృందం విజయవాడలో సందడి చేసింది.సినిమా హీరో, హీరోయిన్ సిద్ధూ జొన్నల‌గ‌డ్డ, నేహ శెట్టి , దర్శకుడు విమ‌ల్ కృష్ణ‌లు చిత్ర విజ‌యోత్సవ యాత్రలో భాగంగా నగరంలోని ట్రెండ్‌సెట్ మాల్‌కు వ‌చ్చారు. అక్కడ ప్రేక్షకులతో క‌లిసి కాసేపు సినిమా చూశారు. డీజే టిల్లు చిత్రానికి తెలుగు రాష్ట్రాల ప్రజలు నుంచి విశేష ఆద‌ర‌ణ ల‌భిస్తుంద‌ని చిత్ర క‌థానాయ‌కుడు సిద్ధూ జొన్నల‌గ‌డ్డ తెలిపారు. తెలంగాణ యాస‌లో ఉన్న సంభాష‌ణ‌ల‌కు యువ‌త నుంచి మంచి స్పంద‌న వ‌స్తుంద‌న్నారు. చిత్ర హీరో, కథానాయికతో సెల్ఫీలు దిగేందుకు యువ‌త పోటీప‌డ్డారు.
విజయవాడలో డీజే టిల్లు చిత్ర బృందం
"విజ‌య‌వాడ అన్నా, ఇక్కడి ఆహారం అన్నా అమిత‌మైన ఇష్టం"