వివిధ స్కీంల పేరుతో 1,450 మంది నుంచి రూ. 156 కోట్లు వసూలు చేసి మోసాలకు పాల్పడిన ముగ్గురిని తెలంగాణ రాష్ట్రంలోని సైబరాబాద్ పోలీసులు అరెస్టు చేశారు. సీపీ సజ్జనార్ వివరాలు వెల్లడించారు. కంపెనీ నిర్వాహకుడు యార్లగడ్డ రఘుతోపాటు డైరెక్టర్ శ్రీనివాస్, సహాకరించిన మినాక్షి అనే మహిళను అదుపులోకి తీసుకున్నారు. స్వధాత్రి ఇన్ఫ్రా ప్రైవేటు లిమిటెడ్ పేరుతో మాదాపూర్లో ఓ సంస్థను స్థాపించి... ఏజెంట్లు, టెలికాలర్స్ ద్వారా కస్టమర్లను ఆకర్షించి, వివిధ స్కీంల పేరుతో పెట్టుబడులు పెట్టించారు.
మరో మోసం: హైదరాబాద్లో ఓ కంపెనీ పేరుతో రూ.156 కోట్లు కాజేశారు - సీపీ సజ్జనార్ మీడియా సమావేసం
స్వధాత్రి ఇన్ఫ్రా సహా వివిధ కంపెనీల పేరుతో ప్రజలను మోసం చేసిన ముగ్గురిని తెలంగాణ రాష్ట్రంలోని సైబరాబాద్ పోలీసులు అరెస్టు చేశారు. ఇలాంటి చర్యలకు ఎవరైనా పాల్పడితే... తమకు సమాచారం అందించాలని సీపీ సజ్జనార్ కోరారు.
మరో మోసం: హైదరాబాద్లో ఓ కంపెనీ పేరుతో రూ.156 కోట్లు కాజేశారు
పెట్టుబడులు తిరిగి చెల్లించడంలో ముఖం చాటేశారు. ఈ క్రమంలో ఓ బాధితుడు మాదాపూర్ పోలీసులకు ఫిర్యాదు చేశాడు. పోలీసులు తీగలాగితే డొంకంతా కదిలింది. ఇళ్ల స్థలాలు, ఇళ్లు, అధిక వడ్డీ పేరుతో వినియోగదారులను మోసం చేసినట్టు దర్యాప్తులో తేలింది. ముగ్గురు నిందితులను అదుపులోకి తీసుకున్న పోలీసులు రిమాండ్‌కు తరలించారు. రఘు నుంచి రూ. 6 లక్షల నగదు, ఫార్చ్యూనర్ వాహనాన్ని సీజ్ చేసినట్టు సీపీ సజ్జనార్ తెలిపారు.
ఇదీ చూడండి: మిర్యాలగూడలో రామ్‌గోపాల్‌ వర్మపై కేసు నమోదు