ముఖ్యమంత్రి జగన్కు సీపీఐ రాష్ట్ర కార్యదర్శి కె.రామకృష్ణ లేఖ రాశారు. రాష్ట్ర వ్యాప్తంగా వెనుకబడిన ప్రాంతాల్లో 30 లక్షల ఎకరాలకుపైగా వేరుశనగ పంట సాగవుతోందని చెప్పారు. కరోనా విపత్తు వల్ల బహిరంగ మార్కెట్‌లో వేరుశనగ విత్తనం దొరకని పరిస్థితి ఏర్పడిందన్నారు.
ఈ ఖరీఫ్‌లో వేరుశనగ రైతులను ఆదుకునేందుకు ప్రభుత్వం చర్యలు చేపట్టాలని కోరారు. 60 శాతం రాయితీతో 5 ఎకరాలకు సరిపడా విత్తనాలను రైతులకు అందించాలని... పెండింగ్‌లో ఉన్న పెట్టుబడి రాయితీని వెంటనే చెల్లించాలని లేఖలో విజ్ఞప్తి చేశారు.