AP CORONA CASES: రాష్ట్రంలో కొత్తగా 434 కరోనా కేసులు.. ఒకరు మృతి

17:33 February 14

రాష్ట్రంలో ప్రస్తుతం 14,726 కరోనా యాక్టివ్‌ కేసులు

రాష్ట్రంలో కరోనా కేసుల వివరాలు

AP CORONA CASES: రాష్ట్రంలో కొత్తగా 434 కరోనా కేసులు నమోదయ్యాయి. కరోనా నుంచి 4,636 మంది పూర్తిగా కోలుకోగా.. ప్రస్తుతం రాష్ట్రంలో 14,726 యాక్టివ్‌ కేసులు ఉన్నాయని వైద్యారోగ్యశాఖ తెలిపింది. రాష్ట్రంలో 24 గంటల్లో 15,193 మందికి కరోనా పరీక్షలు నిర్వహించినట్లు పేర్కొంది. కొవిడ్ కారణంగా.. రాష్ట్రంలో ఒకరు మరణించారు.

• దేశంలో 35వేల దిగువకు కరోనా కొత్త కేసులు.. భారీగా తగ్గిన మరణాలు

Corona cases in India: భారత్​లో కరోనా కేసులు భారీగా తగ్గాయి. ఆదివారం ఉదయం నుంచి సోమవారం ఉదయం వరకు.. 34,113 మందికి వైరస్​ సోకింది. కొవిడ్​ ధాటికి మరో 346 మంది ప్రాణాలు కోల్పోయారు. 91,930 మంది మహమ్మారి నుంచి కోలుకున్నారు. దేశంలో రోజువారీ పాజిటివిటీ రేటు 3.17 శాతంగా ఉందని కేంద్ర ఆరోగ్య శాఖ తెలిపింది.

యాక్టివ్​ కేసులు ప్రస్తుతం 1.12 శాతంగా ఉన్నాయి. రికవరీ రేటు 97.68 శాతానికి చేరింది. ఈ మేరకు కేంద్ర ఆరోగ్య శాఖ వెల్లడించింది.

• మొత్తం కేసులు:4,26,65,534
• మొత్తం మరణాలు:5,09,011
• యాక్టివ్ కేసులు:4,78,882
• మొత్తం కోలుకున్నవారు:4,16,77,641

దేశంలో కొత్తగా 11,66,993 టీకా డోసులను పంపిణీ చేశారు. ఇప్పటివరకు మొత్తం 1,72,95,87,490 డోసులు పంపిణీ చేసినట్లు కేంద్ర వైద్య ఆరోగ్య శాఖ తెలిపింది.

World Corona Cases

ప్రపంచవ్యాప్తంగా కరోనా విజృంభణ కొనసాగుతోంది. ఒక్కరోజే 14 లక్షల మంది మహమ్మారి బారిన పడ్డారు. మరో 5,461 మంది ప్రాణాలు కోల్పోయారు. ఫలితంగా మొత్తం కొవిడ్​ కేసుల సంఖ్య 41,20,79,751గా ఉండగా.. మరణాల సంఖ్య 58,33,915 కు చేరింది.

• రష్యాలో మరో 1.97 లక్షల మంది వైరస్ బారినపడ్డారు. మరో 706 మంది ప్రాణాలు కోల్పోయారు.
• జర్మనీలో ఒక్కరోజే 1.08 లక్షల మందికి కొవిడ్ పాజిటివ్​గా తేలింది. మరో 47 మంది మృతిచెందారు.
• ఫ్రాన్స్​లో కొత్తగా 86 వేల మందికి కరోనా సోకింది. 107 మంది మరణించారు.
• టర్కీలో తాజాగా 73 వేల కేసులు బయటపడగా.. 276 మంది బలయ్యారు.
• జపాన్​లో ఒక్కరోజే 67 వేలకు పైగా మందికి వైరస్ సోకింది. మరో 143 మంది మృతిచెందారు.

ఇదీ చదవండి: