Don't compare : మనం ఎంత మంచి మార్కులు తెచ్చుకున్నా, ఎంత సౌకర్యవంతమైన జీవితం గడుపుతున్నా.. పక్కవారితో పోల్చుకున్నప్పుడు ఎంతోకొంత లోటు కనిపిస్తూ ఉంటుంది. అది మనలో ఉన్న వెలితి కాదు, పోల్చుకోవడం వల్ల వచ్చిన ఇబ్బంది. అందుకే ఏ విషయంలోనూ ఎదుటివారితో పోలిక సరికాదు.
Don't compare with anyone : నిజానికి పోల్చుకోవడం అనేది ప్రతి ఒక్కరికీ ఉండే సాధారణమైన లక్షణమే. మనకి ఏదన్నా ఆసక్తికరంగా అనిపించినప్పుడు వెంటనే మన మెదడు క్షణంలో దాన్ని మనతో పోల్చుకుంటుంది. మనం తక్కువగా ఉన్నామనే భావన కలిగితే చిన్నబుచ్చుకుంటుంది. దీని వల్ల మన సంతోషం, ఆత్మవిశ్వాసం, మానసిక ఆరోగ్యం దెబ్బతింటుంది.
ఇలా తరచూ చేయడం వల్ల ఎదుటివారితో మనం కూడా సమానంగా ఉండాలనే తాపత్రయం పెరిగి ఒత్తిడికి గురవుతుంటాం. నెగిటివ్‌ ఆలోచనలు పెరుగుతాయి. యాంగ్జైటీ, డిప్రెషన్‌ కలగొచ్ఛు
చేతన.. సాధన..ఇటీవల జరుగుతున్న అధ్యయనాల ద్వారా తెలిసిందేంటంటే.. యువతకు సోషల్‌ మీడియాలో సమయం గడిపాక ఎక్కువగా ఇలాంటి భావనలు కలుగుతున్నాయట. అందులోనివారికి ఉన్నట్లుగా తమకు ఇల్లు, కారు, విలాసాలు లేవని బాధపడుతున్నారట!