ఇవాళ జెరుసలెం పర్యటనకు ముఖ్యమంత్రి

సీఎం జగన్ ఇవాళ జెరుసలెం వెళ్లనున్నారు. అక్కడే నాలుగురోజులపాటు ఆయన కుటుంబ సభ్యులు సహా బస చేయనున్నారు.

ముఖ్యమంత్రి వైఎస్ జగన్మోహన్ రెడ్డి నేడు జెరుసలెం బయలుదేరి వెళ్లనున్నారు. జగన్​తో పాటు ఆయన కుటుంబ సభ్యులూ వెళ్లనున్నారు. హైదరాబాద్ లోటస్ పాండ్ సమీపంలోని నివాసానికి జగన్ సహా కుటుంబ సభ్యులు చేరుకున్నారు. మధ్యాహ్నం 3 గంటలకు శంషాబాద్ విమానాశ్రయం చేరుకుని ముంబయి వెళ్తారు. అక్కడి నుంచి విమానంలో నేరుగా జెరుసలెం వెళ్తారు. అక్కడే నాలుగు రోజులపాటు సీఎం జగన్ సహా కుటుంబసభ్యులు బస చేస్తారు. ఈ నెల 5న తిరుగు పయనమవుతారు. జెరుసలేం నుంచి ముంబయికి వచ్చి నేరుగా విజయవాడకు వస్తారు. సీఎం పర్యటన పూర్తి వ్యక్తిగతమని అధికార వర్గాలు తెలిపాయి.