chandrababu strategy meeting: రాజధాని అమరావతి నిర్మాణానికి ఒక్క ఇటుక పెట్టని సీఎం జగన్‌కు ఆ ప్రాంత భూములు విక్రయించే హక్కు ఎక్కడిది అని తెదేపా అధినేత చంద్రబాబు ప్రశ్నించారు. అమరావతిని శ్మశానమని చెప్పిన ఈ ప్రభుత్వం.. ఇప్పుడు ఎకరా రూ.10 కోట్లకు ఎలా అమ్మకానికి పెడుతుందని నిలదీశారు. ప్రభుత్వ ఉద్యోగుల కోసం నిర్మించిన భవనాలను మూడేళ్లుగా పూర్తి చేయకుండా ఇప్పుడు ప్రైవేటు సంస్థలకు అద్దెకు ఇచ్చే యత్నాన్ని చంద్రబాబు తప్పుబట్టారు.
ఈ మేరకు పార్టీ ముఖ్యనేతలతో వ్యూహ కమిటీ సమావేశం నిర్వహించారు. వైకాపా విధానాలపై తనదైన శైలిలో చంద్రబాబు విమర్శలు గుప్పించారు. నిధుల్లేక దుల్హన్ పథకం నిలిపివేశామంటూ కోర్టుకు చెప్పడం దారుణమన్నారు. ఈ-క్రాప్లో వైకాపా కార్యకర్తల పేర్లు నమోదు చేశారన్న చంద్రబాబు.. పంట నష్టపోయిన రైతులకు మొండిచేయి చూపించారని ఆక్షేపించారు. దుకాణాల్లో విక్రయించే మద్యం నాణ్యతపై ప్రభుత్వం జవాబు చెప్పాలంటూ డిమాండ్ చేశారు.